ಅಲ್ಪನಿಗೆ ಅಧಿಕಾರ ನೀಡಿದ್ರೆ ಒಳ್ಳೆಯವರನ್ನೇ ಓಡಿಸ್ತಾನೆ 

ಹುಬ್ಬಳ್ಳಿ: ಅಲ್ಪನಿಗೆ ಅಧಿಕಾರ ನೀಡಿದರೆ ಒಳ್ಳೆಯವರನ್ನು ಓಡಿಸುತ್ತಾನೆ. ಇಂಥ ಕಹಿ ಅನುಭವ ಸಾಕಷ್ಟು ಆಗಿದೆ
ಎಂದು ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿ ಹೇಳಿದರು.

ನಗರದಲ್ಲಿ ವೇಮನರ 606ನೇ ಜಯಂತಿಗೆ ಚಾಲನೆ ನೀಡಿ ಮಾತನಾಡಿದ ಅವರು, ಶ್ರೀ ವೇಮನರ ಆದರ್ಶದ ಪಾಲಿಸಲು ಇನ್ನೊಬ್ಬರಿಗೆ ಸಹಾಯ ಮಾಡಲು ಹೋಗಿ ಸಮಸ್ಯೆ ಅನುಭವಿಸಿದ್ದನ್ನು ನೆನೆದರು.

ಒಂದು ಪತ್ರಿಕೆಯಲ್ಲಿ ನನ್ನನ್ನು ರಾಜಕೀಯ ಅಸ್ಪೃಶ್ಯ ಎಂದು ಬರೆದಿದ್ದನ್ನು ಕಂಡು ಸಾಕಷ್ಟು ಬೇಸರ ಮೂಡಿಸಿತು.
ಹಿಂದೆಯೂ ಕೂಡ ನನ್ನ ಬಗ್ಗೆ ಮಾಧ್ಯಮಗಳಲ್ಲಿ ವರ್ಣರಂಜಿತವಾಗಿ ಬಿಂಬಿಸಲಾಯಿತು. ಆದರೆ ನಾನು ಮಾಡಿದ ಒಳ್ಳೆಯ ಕಾರ್ಯಗಳು ಜನರು ನನ್ನನ್ನು ಕೈ ಹಿಡಿಯುವಂತೆ ಮಾಡಿತು. ಸಚಿವ ಅಥವಾ ಮುಖ್ಯಮಂತ್ರಿ ಯಾಗಬೇಕು ಎನ್ನುವ ಉದ್ದೇಶ ನನ್ನದಲ್ಲ. ಇಡೀ ಜಗತ್ತೇ ಮೆಚ್ಚುವಂತ ಕಾರ್ಯವನ್ನು ಮಾಡಿ ಕೊನೆಯುಸಿರು ಎಳೆಯಬೇಕು ಎನ್ನುವ ಗುರಿ ಇದೆ ಎಂದರು.