ನಕ್ಸಲರ ಅಟ್ಟಹಾಸ ; ಐಇಡಿ ಬ್ಲಾಸ್ಟ್‌ನಲ್ಲಿ 11 ಭದ್ರತಾ ಸಿಬಂದಿಗೆ ಗಾಯ

ರಾಂಚಿ : ಜಾರ್ಖಂಡ್‌ನ‌ಲ್ಲಿ ನಕ್ಸಲರು ಅಟ್ಟಹಾಸ ಮೆರೆದಿದ್ದು, ಸರಾಯ್‌ಕೆಲ್ಲಾದ ಕುಛಾಯ್‌ ಪ್ರದೇಶದಲ್ಲಿ ನಕ್ಸಲರು ಇರಿಸಿದ್ದ ಐಇಡಿ ಸ್ಫೋಟಗೊಂಡು 11 ಮಂದಿ ಭದ್ರತಾ ಸಿಬಂದಿಗಳು ಗಾಯಗೊಂಡಿರುವ ಘಟನೆ ಮಂಗಳವಾರ ಬೆಳಗಿನ ಜಾವ 4.43 ರ ವೇಳೆಗೆ ನಡೆದಿದೆ.

ಗಾಯಗೊಂಡ ಭದ್ರತಾ ಸಿಬಂದಿಗಳ ಪೈಕಿ 8 ಮಂದಿ ವಿಶೇಷ ಕಾರ್ಯಾಚರಣೆ  209 ಕೋಬ್ರಾ ಪಡೆಯವರು,ಮೂರು ಮಂದಿ ಜಾರ್ಖಂಡ್‌ ಪೊಲೀಸರು ಎಂದು ತಿಳಿದು ಬಂದಿದೆ.

ಗಾಯಾಳು ಭದ್ರತಾ ಸಿಬಂದಿಗಳನ್ನು ರಾಂಚಿಗೆ ಏರ್‌ಲಿಫ್ಟ್ ಮಾಡಲಾಗಿದೆ. ಎಲ್ಲಾ ಗಾಯಾಳುಗಳ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದು ಬಂದಿದೆ.