ಇಡೂರು- ಕುಂಜ್ಞಾಡಿಯ ಹೆದ್ದಾರಿ:ಅಪಾಯಕಾರಿ ಮರ ತೆರವಿಗೆ ಗ್ರಾಮಸ್ಥರ ಆಗ್ರಹ

ಕೊಲ್ಲೂರು: ಇಡೂರಿನಲ್ಲಿ ಭಾರೀ ಗಾತ್ರದ ಮರ ರಸ್ತೆಗೆ ಬಿದ್ದು ವಾಹನ ಸಂಚಾರಕ್ಕೆ ತೊಡಕಾಗಿ ಇಲಾಖೆಯಿಂದ ಮರ ಕಡಿದು 1 ತಿಂಗಳು ಕಳೆದರು ರಸ್ತೆಗೆ ಚಾಚಿ ಬಿದ್ದಿರುವ ಬೃಹತ್‌ ಗಾತ್ರದ ಮರದ ತುಂಡನ್ನು ಈವರೆಗೂ ತೆರವುಗೊಳಿಸದಿರವುದು ಅಪಘಾತ ಆಹ್ವಾನಿಸುವಂತಿದೆ.

ಕೊಲ್ಲೂರು ಹಾಗೂ ಹೆಮ್ಮಾಡಿ ಸಂಪರ್ಕಿಸುವ ಮುಖ್ಯ ರಸ್ತೆ ಇದಾಗಿದ್ದು ಈ ಮಾರ್ಗವಾಗಿ ಪ್ರತಿ ದಿನ ನೂರಾರು ವಾಹನಗಳು ಸಂಚರಿಸುತ್ತವೆ ಯಾತ್ರಾರ್ಥಿಗಳು ಲಘು ಹಾಗೂ ಘನವಾಹನಗಳಲ್ಲಿ ಸಾಗುವ ಈಮಾರ್ಗವು ಭಾರೀ ತಿರುವಿನಿಂದ ಕೂಡಿದ್ದು ಕಡಿದ ಮರದ ಮಿಕ್ಕುಳಿದ ಭಾಗವನ್ನು ತೆರವುಗೊಳಿಸದ್ದಿದ್ದಲ್ಲಿ ರಾತ್ರಿ ಸಂಚಾರದ ವೇಳೆ ಅಪಘಾತ ಕಟ್ಟಿಟ್ಟಬುತ್ತಿ.ಲೋಕೋಪಯೋಗಿ ಹಾಗೂ ಅರಣ್ಯ ಇಲಾಖೆ ಮರ ತೆರವಿಗೆ ತುರ್ತು ಕ್ರಮ ಕೈಗೊಳ್ಳಬೇಕೆಂದು ಇಡೂರು ನಿವಾಸಿಗಳು ಆಗ್ರಹಿಸಿದ್ದಾರೆ.