ಮಯೂರ್‌ಭಂಜ್‌ನಲ್ಲಿ ಐಎಎಫ್ ವಿಮಾನ ಪತನ: ಪೈಲಟ್‌ ಗಂಭೀರ

ಭುವನೇಶ್ವರ  : ಭಾರತೀಯ ವಾಯು ಪಡೆಯ ವಿಮಾನವೊಂದು ಇಂದು ಮಂಗಳವಾರ ಒಡಿಶಾದ ಮಯೂರ್‌ಭಂಜ್‌ನಲ್ಲಿ ಪತನಗೊಂಡಿರುವುದಾಗಿ ವರದಿಯಾಗಿದೆ.

ನಿತ್ಯದ ತರಬೇತಿ ಹಾರಟದಲ್ಲಿ ನಿರತವಾಗಿದ್ದ  ಕಣ್ಗಾವಲು ವಿಮಾನ ಕಾಲೈಕುಂಡದಿಂದ ಆಗಸಕ್ಕೆ ನೆಗೆದಿತ್ತು.

ವಿಮಾನ ಪತನಗೊಂಡ ಈ ದುರಂತದಲ್ಲಿ ತರಬೇತಿ ಪಡೆಯುತ್ತಿದ್ದ  ಓರ್ವ ಪೈಲಟ್‌ ಗಂಭೀರವಾಗಿ ಗಾಯಗೊಂಡಿದ್ದಾರೆ. ದುರಂತ ನಡೆದೊಡನೆಯೇ ನೆಲಕ್ಕೆ ಬಿದ್ದ ಗಾಯಾಳು ಪೈಲಟನ್ನು ಗ್ರಾಮಸ್ಥರು ಕಂಡು ಕೂಡಲೇ ಆತನನ್ನು ಆಸ್ಪತ್ರೆಗೆ ಸೇರಿಸಿದರು. 

ವಿಮಾನ ಪತನದ ಬಗ್ಗೆ ತನಿಖೆ ನಡೆಸಲಾಗುವುದೆಂದು ಐಎಎಫ್ ಹೇಳಿದೆ.