ಮಲೇಷ್ಯಾ ವಾಯುಪಡೆ ಜತೆಗೆ ಐಎಎಫ್ ಸಮರಾಭ್ಯಾಸ

ನವದೆಹಲಿ: ಮಲೇಷ್ಯಾದಲ್ಲಿ ನಡೆಯಲಿರುವ ನಾಲ್ಕು ದಿನಗಳ ದ್ವಿಪಕ್ಷೀಯ ಸಮರಾಭ್ಯಾಸದಲ್ಲಿ ಭಾಗವಹಿಸಲೆಂದು ಭಾರತೀಯ ವಾಯುಪಡೆಯ ತಂಡವೊಂದು ಮಲೇಷಿಯಾಕ್ಕೆ ತೆರಳಿದೆ.

ಅಲ್ಲಿ ಐಎಎಫ್ ತಂಡ ಎಸ್‌ಯು-30 ಎಂಕೆಐ ಮತ್ತು ಸಿ-17 ಯುದ್ಧ ವಿಮಾನಗಳ ಮೂಲಕ ಸಾಹಸ ಪ್ರದರ್ಶನ ಮತ್ತು ಸಮರಭ್ಯಾಸ ನಡೆಸಲಿದೆ. ಅದೇ ರೀತಿಯಲ್ಲಿ ಮಲೇಷ್ಯಾದ ವಾಯು ಪಡೆಯು ಎಸ್‌ಯು 30 ಎಂಕೆಎಂ ಯುದ್ಧ ವಿಮಾನಗಳ ಪ್ರದರ್ಶನ ನಡೆಸಲಿದೆ.

“ಉದರಶಕ್ತಿ’ ಎಂದು ಕರೆಯಲಾಗಿರುವ ಈ ಸಮರಾಭ್ಯಾಸದಿಂದ ಎರಡೂ ರಾಷ್ಟ್ರಗಳ ವಾಯುಪಡೆಯ ಸಿಬ್ಬಂದಿಗೆ ತಮ್ಮ ಅನುಭವಗಳನ್ನು ಹಂಚಿಕೊಳ್ಳುವುದಕ್ಕೆ ಹಾಗೂ ಹೊಸ ವಿಚಾರಗಳನ್ನು ಕಲಿಯುವುದಕ್ಕೆ ಸಹಕಾರಿಯಾಗಲಿದೆ ಎಂದು ಐಎಎಫ್ ಪ್ರಕಟಣೆಯಲ್ಲಿ ತಿಳಿಸಿದೆ.