Telegram ಸಿಇಒ ಡುರೋವ್‌ ವೀರ್ಯ ಆಯ್ಕೆ ಮಾಡಿದ್ರೆ ಉಚಿತ ಐವಿಎಫ್ ಚಿಕಿತ್ಸೆ

ಮಾಸ್ಕೋ: ಟೆಲಿಗ್ರಾಮ್‌ ಆ್ಯಪ್‌ ಸಿಇಒ ಪಾವೆಲ್‌ ಡುರೋವ್‌ ವೀರ್ಯ ಆಯ್ಕೆ ಮಾಡುವ ಮಹಿಳೆಯರಿಗೆ ಉಚಿತ ಐವಿಎಫ್ (ಕೃತಕ ಗರ್ಭಧಾರಣೆ) ಚಿಕಿತ್ಸೆ ನೀಡುವುದಾಗಿ ಮಾಸ್ಕೋದ ಐವಿಎಫ್ ಕೇಂದ್ರವೊಂದು ತಿಳಿಸಿದೆ.

ಈ ಕುರಿತು ಮಾಹಿತಿ ಹಂಚಿಕೊಂಡಿರುವ ಆಲ್ಟ್ರಾ ವಿಟಾ ಐವಿಎಫ್ ಕೇಂದ್ರ, “ಉದ್ಯಮಿ ಡುರೋವ್‌ರಿಂದ ಪಡೆದ ವೀರ್ಯವನ್ನು ಬಳಸಿ 37 ವರ್ಷದೊಳಗಿನ ಆರ್ಹ ಮಹಿಳೆಯರಿಗೆ ಉಚಿತ ಐವಿಎಫ್ ಚಿಕಿತ್ಸೆ ನೀಡಲಾಗುವುದು. ಈ ಪ್ರಕ್ರಿಯೆಯ ಸಂಪೂರ್ಣ ಖರ್ಚು ವೆಚ್ಚಗಳನ್ನು ಡುರೋವ್‌ ಭರಿಸಲಿದ್ದಾರೆ ಎಂದು ತಿಳಿಸಿದೆ.

ವರ್ಷಗಳ ಹಿಂದೆ, ವೀರ್ಯದಾನದ ಮೂಲಕ 100ಕ್ಕೂ ಹೆಚ್ಚು ಮಕ್ಕಳಿಗೆ ತಾನು ಜೈವಿಕ ತಂದೆಯಾಗಿದ್ದೇನೆ ಎಂದು ತಿಳಿಸಿದ್ದರು.