Madhya Pradesh: ನಾನು ತಿರಸ್ಕೃತನಲ್ಲ: ಶಿವರಾಜ್‌ ಚೌಹಾಣ್‌

ಭೋಪಾಲ್‌: “ನಾನು ಮಾಜಿ ಮುಖ್ಯಮಂತ್ರಿಯೇ ಹೊರತು, ತಿರಸ್ಕೃತ ಮುಖ್ಯಮಂತ್ರಿಯಲ್ಲ! ಅಧಿಕಾರದಿಂದ ಕೆಳಗಿಳಿದಿದ್ದರೂ ಜನರಿಗೆ ನನ್ನ ಮೇಲಿನ ಪ್ರೀತಿ ಇನ್ನೂ ಕಡಿಮೆಯಾಗಿಲ್ಲ’ ಹೀಗೆಂದು ಮಧ್ಯಪ್ರದೇಶ ಮಾಜಿ ಮುಖ್ಯಮಂತ್ರಿ ಶಿವರಾಜ್‌ ಸಿಂಗ್‌ ಚೌಹಾಣ್‌ ಹೇಳಿದ್ದಾರೆ.

ಚೌಹಾಣ್‌ಗೆ ಬಿಜೆಪಿ ಯಾವ ಪಟ್ಟ ನೀಡಲಿದೆ ಎನ್ನುವ ಗೊಂದಲಗಳ ನಡುವೆಯೇ ಈ ಬೆಳವಣಿಗೆ ವರದಿಯಾಗಿರುವುದು ಮಹತ್ವ ಪಡೆದಿದೆ. ಶಾಲಾ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಾ ಚೌಹಾಣ್‌, ಸಿಎಂ ಪಟ್ಟದಿಂದ ಕೆಳಗಿಳಿದರೂ ಎಲ್ಲಿಯೇ ಹೋದರೂ ಜನ ಈಗಲೂ “ಮಾಮಾ’ ಎಂದು ಸಂಬೋಧಿಸುತ್ತಾರೆ, ಜನರ ಪ್ರೀತಿಯೇ ನನ್ನ ಸಂಪತ್ತು ಎಂದಿದ್ದಾರೆ.