Hunsur: ಮರ ಬಿದ್ದು ಮೂರು ಆಟೋಗಳು ಜಖಂ; ಅಪಾಯದಿಂದ ಪಾರಾದ ಚಾಲಕರು

ಹುಣಸೂರು: ಬೆಳ್ಳಂಬೆಳಗ್ಗೆ ಭಾರೀ ಗಾತ್ರದ ಮರ ಬಿದ್ದು ಮೂರು ಆಟೋಗಳು ಜಖಂಗೊಂಡ ಘಟನೆ ಇಲ್ಲಿನ ಟೌನ್ ನಿನ ಶಬ್ಬೀರ್ ನಗರದಲ್ಲಿ ನಡೆದಿದೆ.

ಮರ ಬಿದ್ದ ಆಟೋಗಳ ಚಾಲಕರು ಅಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಘಟನೆಯ ವಿವರ: ಆಟೋ ಚಾಲಕರು ಎಂದಿನಂತೆ ಆಟೋ ನಿಲ್ದಾಣದಲ್ಲಿ ಆಟೋ ನಿಲ್ಲಿಸಿದ್ದರು. ಬುಧವಾರ ಸಂಜೆ ಸುರಿದ ಭಾರೀ ಮಳೆಗೆ ಮರದ ಬೇರು ಸಡಿಲಗೊಂಡು ಗುರುವಾರ ಬೀಸಿದ ಗಾಳಿಗೆ ಬುಡ ಸಮೇತ ಮರ ಆಟೋಗಳ ಮೇಲೆ ಬಿದಿದ್ದು, ಈ ಪರಿಣಾಮ ಮೂರು ಆಟೋಗಳು ತೀವ್ರ ಜಖಂಗೊಂಡಿದೆ.

ವಿಷಯ ತಿಳಿದ ನಗರ ಠಾಣೆ ಇನ್ಸ್ ಪೆಕ್ಟರ್ ದೇವೆಂದ್ರ, ಮುಖ್ಯಪೇದೆ ವೆಂಕಟೇಶ ಪ್ರಸಾಸ್, ಪೇದೆ ಮಂಜುನಾಥ್ ಬೇಟಿ ನೀಡಿ ಸ್ಥಳಿಯರ ನೆರವಿನಿಂದ ಮರದ ರೆಂಬೆಗಳನ್ನು ತುಂಡರಿಸಿ ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.