Hunsur ಮೊಬೈಲ್‌ ಹಿಂತಿರುಗಿಸಿ ಪ್ರಾಮಾಣಿಕತೆ ಮೆರೆದ ಕಂಡಕ್ಟರ್‌

ಹುಣಸೂರು: ಬಸ್ಸಿನಲ್ಲಿ ಮೊಬೈಲ್‌ ಕಳೆದುಕೊಂಡಿದ್ದ ಪ್ರಯಾಣಿಕರಿಗೆ ಹಿಂದಿರುಗಿಸಿರುವ ಕಂಡಕ್ಟರ್‌ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಹುಣಸೂರು ಡಿಪೋದ ಕಂಡಕ್ಟರ್‌ ರಾಜಾರಾವ್‌ ಮೊಬೈಲ್‌ ಹಿಂದಿರುಗಿಸಿದವರು.

ಹುಣಸೂರಿನಿಂದ ಮೈಸೂರಿಗೆ ತೆರಳುತ್ತಿದ್ದ ವೇಳೆ ಸಾತನೂರು ಶಿವಕುಮಾರ್‌ ಎಂಬುವವರು ಬಸ್‌ನಿಂದ ಇಳಿಯುವಾಗ ಮೊಬೈಲ್‌ ಸೀಟಿನಲ್ಲೇ ಬಿಟ್ಟು ಇಳಿದಿದ್ದರು. ಪ್ರಯಾಣಿಕರು ಇಳಿದ ನಂತರ ಸೀಟ್‌ನಲ್ಲಿ ಮೊಬೈಲ್‌ ಇದ್ದುದ್ದನ್ನು ಕಂಡ ಕಂಡಕ್ಟರ್‌ ರಾಜಾರಾವ್‌ ತಮ್ಮ ಬಳಿ ಇಟ್ಟುಕೊಂಡಿದ್ದ ವೇಳೆ, ಈ ನಂಬರ್‌ಗೆ ಕರೆ ಮಾಡಿದವರಿಗೆ ಹುಣಸೂರು ಬಸ್‌ ನಿಲ್ದಾಣದ ಟಿ.ಸಿ ಕಚೇರಿಯಲ್ಲಿ ದಾಖಲಾತಿ ನೀಡಿ ಪಡೆದುಕೊಳ್ಳುವಂತೆ ಸೂಚಿಸಿದ್ದರ ಮೇರೆಗೆ ಶಿವಕುಮಾರ್‌ರ ಸಂಬಂಧಿ ಹುಣಸೂರಿನ ಉಲ್ಲಾಸ್‌ ಟಿ.ಸಿ. ಕಚೇರಿಯಲ್ಲಿ ಟಿ.ಸಿ. ಶಿವಕುಮಾರ್‌ ಸಮ್ಮುಖದಲ್ಲಿ ಮೊಬೈಲ್‌ನ್ನು ಕಂಡಕ್ಟರ್‌ ರಾಜಾರಾವ್‌ರಿಂದ ಪಡೆದುಕೊಂಡರು.

ರಾಜಾರಾವ್‌ರ ಪ್ರಾಮಾಣಿಕತೆಗೆ ಸಾರ್ವಜನಿಕರು ಪ್ರಶಂಸಿಸಿದ್ದಾರೆ.