ಅಟಲ್‌ ಸ್ಮರಣಾರ್ಥ 100 ರೂ. ನಾಣ್ಯ

ಹೊಸದಿಲ್ಲಿ: ಮಾಜಿ ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಸ್ಮರಣಾರ್ಥ 100 ರೂ. ನಾಣ್ಯವನ್ನು ಕೇಂದ್ರ ಸರಕಾರ ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ. ಈ ನಾಣ್ಯದ ತೂಕ 35 ಗ್ರಾಂ. ಇರಲಿದ್ದು, ಒಂದು ಬದಿಯಲ್ಲಿ ಅಟಲ್‌ ಭಾವಚಿತ್ರ ಹಾಗೂ ಇನ್ನೊಂದು ಬದಿಯಲ್ಲಿ ಅಶೋಕ ಸ್ತಂಭವನ್ನು ಕೆತ್ತಲಾಗಿರುತ್ತಿದೆ. ಅಟಲ್‌ ಹೆಸರನ್ನು ದೇವನಾಗರಿ ಹಾಗೂ ಇಂಗ್ಲಿಷ್‌ನಲ್ಲಿ ಬರೆಯಲಾಗಿರುತ್ತದೆ. ಚಿತ್ರದ ಕೆಳಗೆ 1924-2018 ಎಂದು ಬರೆಯಲಾಗುತ್ತದೆ. ಈಗಾಗಲೇ ಹಲವು ಸ್ಥಳಗಳು ಹಾಗೂ ಯೋಜನೆಗಳಿಗೆ ಅಟಲ್‌ ಸ್ಮರಣಾರ್ಥ ನಾಮಕರಣ ಮಾಡಲಾಗಿದೆ.