Hunasur: ಸಾವಿನಲ್ಲೂ ಒಂದಾದ ಅಕ್ಕ- ತಮ್ಮ

ಹುಣಸೂರು: ಕೇವಲ 12 ಗಂಟೆ ಅಂತರದಲ್ಲಿ ಅಕ್ಕ-ತಮ್ಮ ಸಾವನ್ನಪ್ಪಿರುವ ಘಟನೆ ಹುಣಸೂರು ತಾಲೂಕಿನ ಗುರುಪುರ ಗ್ರಾಮ ಪಂಚಾಯ್ತಿ ವ್ಯಾಪ್ತಿಯ ಸರ್ವೆ ನಂ. 25 ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಲೇ. ಜವಗೌಡರ ಪತ್ನಿ ಸಣ್ಣತಾಯಮ್ಮ (86) ಹಾಗೂ ಇವರ ಸಹೋದರ ರಾಜಣ್ಣ(70) ಹೃದಯಾಘಾತದಿಂದ ಸಾವನ್ನಪ್ಪಿದವರು. ಸಣ್ಣತಾಯಮ್ಮ ಬುಧವಾರ ಮುಂಜಾನೆ ಸಾವನ್ನಪ್ಪಿದರೆ, ಮಧ್ಯಾಹ್ನ ಅಂತ್ಯಕ್ರಿಯೆ ನಡೆದ ಅನಂತರ ದುಖಃದಲ್ಲಿದ್ದ ಸಹೋದರ ರಾಜಣ್ಣ ಸಹ ಸಂಜೆ ಮನೆಯಲ್ಲಿ ಮೃತಪಟ್ಟರು.

ರಾತ್ರಿ ಸ್ವಗ್ರಾಮದ ಅವರ ಜಮೀನಿನಲ್ಲಿ ಅಂತ್ಯಕ್ರಿಯೆ ನಡೆಯಿತು. ಸಣ್ಣತಾಯಮ್ಮರ ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಿ ಊರಿಗೆ ತೆರಳಿದ್ದ ಸಂಬಂಧಿಕರು ರಾಜಣ್ಣರ ಸಾವಿನ ಸುದ್ದಿ ತಿಳಿದು ಮತ್ತೆ ಬಂದು ಅಂತ್ಯಕ್ರಿಯೆಯಲ್ಲಿ ಭಾಗವಹಿಸಿದರು.

ಇದನ್ನೂ ಓದಿ: R.Ashok, ಶೋಭಾ ಕರಂದ್ಲಾಜೆ ವಿರುದ್ಧ ಎಫ್‌ಐಆರ್‌ ದಾಖಲು