ಶಾರುಖ್‌ ನನ್ನ ನೆಚ್ಚಿನ ನಟ: ಸೋಫಿಯಾ ರೋಬೋ

ಹೈದರಾಬಾದ್‌: ಹಾಂಕಾಂಗ್‌ ಮೂಲದ ಹ್ಯಾನ್‌ಸನ್‌ ರೊಬೋಟಿಕ್ಸ್‌ ಅಭಿವೃದ್ಧಿಪಡಿಸಿರುವ, ಸೌದಿ ಅರೇಬಿಯಾ ಪೌರತ್ವ ಪಡೆದಿರುವ ರೋಬೋ “ಸೋಫಿಯಾ’ಗೆ ಬಾಲಿವುಡ್‌ ನಟ ಶಾರುಖ್‌ ಖಾನ್‌ ಅಂದರೆ ಪಂಚಪ್ರಾಣವಂತೆ. ಹೀಗೆಂದು ಸ್ವತಃ ಆಕೆಯೇ ಹೇಳಿಕೊಂಡಿದ್ದಾಳೆ. ಮಾಹಿತಿ ತಂತ್ರಜ್ಞಾನದ ಜಾಗತಿಕ ಸಮಾವೇಶ(ಡಬ್ಲ್ಯುಸಿಐಟಿ) ಸಂವಾದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಸೋಫಿಯಾ, ಶಾರುಖ್‌ ತನ್ನ ನೆಚ್ಚಿನ ನಟ ಎಂದು ಹೇಳಿದ್ದಾಳೆ. ಅದಲ್ಲದೇ, ಮಾನವ ಜನಾಂಗವನ್ನು ನಾಶಪಡಿಸುವ ಶಕ್ತಿ ಯಂತ್ರಗಳಿಗೆ ಇಲ್ಲ ಎಂದು ಜಗತ್ತಿಗೆ ಸಂದೇಶವನ್ನೂ ನೀಡಿದ್ದಾಳೆ.