ಕಾರುಗಳ ನೋಂದಣಿ ಸದ್ಯದಲ್ಲೆ ದುಬಾರಿ?

ನವದೆಹಲಿ: ಪೆಟ್ರೋಲ್‌ ಮತ್ತು ಡೀಸೆಲ್‌ ಕಾರುಗಳ ಹೊಸ ನೋಂದಣಿ ಮತ್ತು ಮರು ನೋಂದಣಿ ಶುಲ್ಕವನ್ನು ಈಗಿರುವ 600 ರೂ.ಗಳಿಂದ ಕ್ರಮವಾಗಿ 5,000 ರೂ. ಹಾಗೂ 10,000 ರೂ.ಗಳಿಗೆ ಪರಿಷ್ಕರಿಸಲು ಕೇಂದ್ರ ಚಿಂತನೆ ನಡೆಸಿದೆ.

ಕೇಂದ್ರ ಭೂ ಸಾರಿಗೆ ಸಚಿವಾಲಯ ಈ ಕುರಿತಂತೆ ಪ್ರಸ್ತಾವನೆಯೊಂದನ್ನು ಸರ್ಕಾರಕ್ಕೆ ಸಲ್ಲಿಸಿದೆ.
ಮತ್ತೂಂದೆಡೆ, ವಿದ್ಯುತ್‌ ಚಾಲಿತ ಕಾರುಗಳ ಮಾರಾಟವನ್ನು ಪ್ರೋತ್ಸಾಹಿಸುವ ಸಲುವಾಗಿ ಆ ಕಾರುಗಳ ನೋಂದಾವಣಿ ಶುಲ್ಕವನ್ನು ರದ್ದುಗೊಳಿಸುವ ಅಂಶವನ್ನೂ ಪ್ರಸ್ತಾವನೆಯಲ್ಲಿ ಸೇರಿಸಲಾಗಿದೆ. ಈ ಮೂಲಕ, ಸಾಂಪ್ರದಾಯಿಕ ತೈಲ ಆಧಾರಿತ ವಾಹನಗಳ ಮಾರಾಟವನ್ನು ಗಣನೀಯವಾಗಿ ತಗ್ಗಿಸುವ ಪ್ರಯತ್ನ ಮಾಡಲಾಗಿದೆ ಎಂದು “ಟೈಮ್ಸ್‌ ಆಫ್ ಇಂಡಿಯಾ’ ವರದಿ ಮಾಡಿದೆ.