Advertisement
ಶುಕ್ರವಾರ ಸವಾಯಿ ಗಂಧರ್ವ ಸಭಾಭವನದಲ್ಲಿ ಪ್ರೇಮ್‌ಜಿ ಫೌಂಡೇಶನ್‌ ವತಿಯಿಂದ ಹಮ್ಮಿಕೊಂಡಿದ್ದ “ಉಧೋ ಉಧೋಎಲ್ಲವ್ವ’ ದೇವಿಯ ಕುರಿತ ಜನಪದ ಹಾಡುಗಳು ಹಾಗೂ “ಮಾತಾ’ ಏಕವ್ಯಕ್ತಿ ರಂಗ ಪ್ರಯೋಗಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಕನ್ನಡ ಭಾಷೆಯಲ್ಲಿ ಪ್ರಾಥಮಿಕ, ಪ್ರೌಢ ಶಿಕ್ಷಣ ಪೂರೈಸಿದ ಮಕ್ಕಳ ಆಂಗ್ಲ ಸೇರಿದಂತೆ ಇತರೆ ಭಾಷೆಯ ಮೇಲೆ ಹಿಡಿತ ಸಾಧಿಸುತ್ತಾರೆ. ಕನ್ನಡ ಭಾಷೆಯಲ್ಲಿ ಶಿಕ್ಷಣ ಕಲಿಸಿದರೆ ಮಕ್ಕಳು ಸಂಸ್ಕಾರವಂತರಾಗುತ್ತಾರೆ ಎಂದರು. ಶಿರಹಟ್ಟಿಯ ಭಾವೈಕ್ಯತೆ ಸಂಸ್ಥಾನ ಪೀಠದ ಶ್ರೀ ಫಕೀರ ದಿಂಗಾಲೇಶ್ವರ ಸ್ವಾಮೀಜಿ ಮಾತನಾಡಿ, ಮನಸ್ಸು ಚಂಚಲವಾದರೆ ಏನನ್ನೂ ಸಾಧಿಸಲು ಸಾಧ್ಯವಾಗುವುದಿಲ್ಲ. ಏಕನಿಷ್ಠೆ ಮನಸ್ಸಿನಿಂದ ಮಾತ್ರ ಯಾವುದನ್ನಾದರೂ ಸಾಧಿಸಬಹುದು. ಪ್ರತಿಯೊಂದು ಕ್ಷೇತ್ರದಲ್ಲಿ ಸಾಧನೆ ಮಾಡಿದವರ ಬಗ್ಗೆ ಗಮನಿಸಿದಾಗ ಏಕನಿಷ್ಠೆ ಮನಸ್ಸು ಇದಕ್ಕೆಲ್ಲಾ ಕಾರಣವಾಗಿರುತ್ತದೆ. ವಿವಿಧ ಕ್ಷೇತ್ರದಲ್ಲಿ ಮಾಡಿದ ಸಾಧನೆಯನ್ನು ಗುರುತಿಸಿ ಅವರಿಗೆ ಬೆನ್ನು ತಟ್ಟುವ ಕೆಲಸ ಮಾಡುತ್ತಿರುವ ಪ್ರೇಮ್‌ಜಿ ಫೌಂಡೇಷನ್‌ ಕಾರ್ಯ ಶ್ಲಾಘನೀಯ ಎಂದು ಹೇಳಿದರು.
Related Articles
ಡಾ| ಮಾತಾ ಮಂಜಮ್ಮ ಜೋಗತಿ ಅವರ ಜೀವನಾಧಾರಿತ “ಮಾತಾ’ ಏಕವ್ಯಕ್ತಿ ರಂಗ ಪ್ರಯೋಗವನ್ನು ಅರುಣಕುಮಾರ ಅವರು
ಪ್ರಸ್ತುತ ಪಡಿಸಿದರು. ಡಾ| ಬೇಲೂರು ರಘುನಂದ ಅವರ ರಂಗಪಠ್ಯ, ವಿನ್ಯಾಸ, ನಿರ್ದೇಶನವಿತ್ತು. ಸವಿತಕ್ಕಾ ಅವರು ಹಾಡುಗಳನ್ನು ಪ್ರಸ್ತುತಪಡಿಸಿದರು.
Advertisement
ಪತ್ರಕರ್ತ ಲೋಚನೇಶ ಹೂಗಾರ ಅಧ್ಯಕ್ಷತೆ ವಹಿಸಿದ್ದರು. ಮೇಯರ್‌ ವೀಣಾ ಬರದ್ವಾಡ, ಗಾಯಕಿ ಸವಿತಕ್ಕಾ, ಡಾ| ರಾಮಚಂದ್ರ ಕಾರಟಗಿ, ಡಾ| ವಿಜಯ ಮಹಾಂತೇಶ ಪೂಜಾರ, ಆನಂದ ಗೋನಾಳ, ರಮೇಶ ಮಹಾದೇವಪ್ಪನವರ, ವಿ.ಎಂ.ಹಿರೇಮಠ, ಪ್ರೇಮಾ ಹೂಗಾರ, ಫೌಂಡೇಶನ್‌ನ ಸಂಸ್ಥಾಪಕ ಗುರುರಾಜ ಹೂಗಾರ, ಎಚ್‌.ಎಸ್‌.ಕಿರಣ ಇನ್ನಿತರರಿದ್ದರು.
ತೃತೀಯಲಿಂಗಿ ಮಕ್ಕಳನ್ನು ಕೀಳಾಗಿ ಕಾಣಬೇಡಿ. ಮನೆಬಿಟ್ಟು ಹೊರಗೆ ಹಾಕಬೇಡಿ. ಅವರಿಗೆ ಮನೆಯಲ್ಲಿಟ್ಟು ವಿದ್ಯಾಭ್ಯಾಸ ಕೊಡಿ. ಅವರು ಉತ್ತಮ ಬದುಕು ಕಟ್ಟಿಕೊಳ್ಳುತ್ತಾರೆ. ವಿವಿಧ ಕ್ಷೇತ್ರಗಳಲ್ಲಿ ತೃತೀಯ ಲಿಂಗಿಗಳು ಸಾಧನೆ ಮಾಡಿದ್ದಾರೆ. ವಿದ್ಯಾಭ್ಯಾಸದ ಕೊರತೆಯಿಂದ ಅಕ್ರಮ ಹಾಗೂ ಕಾನೂನುಬಾಹಿರ ಚಟುವಟಿಕೆಯಲ್ಲಿ ಕೆಲವರು ತೊಡಗುತ್ತಿದ್ದಾರೆ. ಆರಂಭದಲ್ಲಿ ಅವರಿಗೆ ಪ್ರೀತಿ, ಗೌರವ ನೀಡಿದರೆ ಒಳ್ಳೆಯ ಪ್ರಜೆಯಾಗಿ ಬಾಳುತ್ತಾರೆ.*ಡಾ| ಮಂಜಮ್ಮ ಜೋಗತಿ, ಪದ್ಮಶ್ರೀ ಪುರಸ್ಕೃತೆ ಜಾನಪದ ಕಲೆಯಲ್ಲಿ ನಮ್ಮ ಸಂಸ್ಕೃತಿ ಅಡಗಿದೆ. ಜನಪದ ಹಾಡುಗಳಲ್ಲಿ ಇರುವ ಒಳ ತಿರುಳನ್ನು ಅರಿತುಕೊಂಡರೆ ನಮ್ಮ ಪೂರ್ವತನ ತಿಳಿಯುತ್ತದೆ. ನಮ್ಮ ಜಾನಪದ ಕಲೆ, ಹಾಡುಗಳಿಗೆ ಮತ್ತೊಂದು ಸಾಟಿಯಾಗಲಾರದು. ಅದರೆ ಅವುಗಳನ್ನು ಆಲಿಸುವವರ ಕೊರತೆಯಿಂದ ಮರೆಯಾಗುತ್ತಿವೆಯೇ ಹೊರತು ತಮ್ಮ ಅಸ್ತಿತ್ವ ಕಳೆದುಕೊಂಡಿಲ್ಲ.
*ವಿಎಸ್‌ವಿ ಪ್ರಸಾದ, ಉದ್ಯಮಿ