ಹಳಿ ತಪ್ಪಿದ ಹೌರಾ –ಮುಂಬೈ ಗೀತಾಂಜಲಿ ಎಕ್ಸ್‌ಪ್ರಸ್‌ ರೈಲು

ಅಕೋಲಾ: ಹೌರಾ- ಮುಂಬೈ ಗೀತಾಂಜಲಿ ಎಕ್ಸ್‌ಪ್ರಸ್‌ ರೈಲು ಅಕೋಲಾ ಜಿಲ್ಲೆಯಲ್ಲಿ ಮಂಗಳವಾರ ಹಳಿ ತಪ್ಪಿದ್ದು, ಇದರಿಂದ ಆ ಮಾರ್ಗದಲ್ಲಿ ಸಂಚರಿಸುವ ಕೆಲವು ರೈಲುಗಳಿಗೆ ತಡೆಯುಂಟಾಯಿತು.

ಬೋರ್ಗಾಂವ್‌ ಮಾಂಜು ಮತ್ತು ಕಟೇಪೂರ್ಣ ಸ್ಟೇಷನ್‌ ನಡುವೆ 11.15ರ ಸುಮಾರಿನಲ್ಲಿ ಈ ದುರಂತ ಸಂಭವಿಸಿದೆ. ರೈಲಿನ ಎಸ್‌ಎಲ್‌ಆರ್‌ ಕೋಚ್‌ ಹಳಿ ತಪ್ಪಿದ ಕಾರಣ, ರೈಲನ್ನು ಕೆಲಕಾಲ ನಿಲ್ಲಿಸಲಾಯಿತು.

ರೈಲ್ವೆ ಮತ್ತು ಪೊಲೀಸ್‌ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಧಾವಿಸಿ ಘಟನೆ ಕುರಿತು ಪರಿಶೀಲಿಸಿ 2 ತಾಸುಗಳ ಬಳಿಕ ಹಳಿ ತಪ್ಪಿದ ರೈಲಿನ ಸುಗಮ ಸಂಚಾರಕ್ಕೆ ಅನುವು ಮಾಡಿ ಕೊಡಲಾಯಿತು ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.

ಘಟನೆಯಲ್ಲಿ ಯಾವುದೇ ಸಾವುನೋವು ವರದಿಯಾಗಿಲ್ಲ.