ಹೊಸದಿಲ್ಲಿ: ಐಪಿಎಲ್‌ ನಲ್ಲಿ ತಂಡಗಳ ಸಂಖ್ಯೆಯನ್ನು ಹತ್ತಕ್ಕೆ ಏರಿಸುವುದರಿಂದ ಹಲವು ಪ್ರಶ್ನೆಗಳು ಉದ್ಭವಿಸಿವೆ. ತಂಡಗಳನ್ನು ಯಾರು ಖರೀದಿಸುತ್ತಾರೆ ಎನ್ನುವುದು ಮೊದಲ ಪ್ರಶ್ನೆ.
ಗೌತಮ್‌ ಅದಾನಿಯ ಜಿಎಂಆರ್‌ ಸಮೂಹ, ಆರ್‌ಪಿಎಸ್‌ಜಿ ತಂಡದ ಮಾಜಿ ಮುಖ್ಯಸ್ಥ ಸಂಜೀವ್‌ ಗೊಯೆಂಕ ಈ ಸ್ಪರ್ಧೆಯಲ್ಲಿದ್ದಾರೆ. ಹಾಗೆಯೇ ಅಹ್ಮದಾಬಾದ್‌ ಮತ್ತು ಪುಣೆ ಸ್ಪರ್ಧೆಯಲ್ಲಿರುವ ಪ್ರಮುಖ ತಾಣಗಳು.
2011ರ ಐಪಿಎಲ್‌ನಲ್ಲೂ 10 ತಂಡಗಳನ್ನು ಆಡಿಸಲಾಗಿತ್ತು. 8 ತಂಡಗಳಿದ್ದಾಗ ಒಟ್ಟು 60 ಪಂದ್ಯಗಳು ನಡೆಯುತ್ತವೆ. 10ಕ್ಕೆ ಏರಿದರೆ ಪಂದ್ಯಗಳ ಸಂಖ್ಯೆಯೂ ಏರುತ್ತದೆ. ಆಗ ಕೂಟದ ಅವಧಿಯನ್ನೂ ಹೆಚ್ಚಿಸಬೇಕು. ಇದು ಬಿಸಿಸಿಐಗೆ ಲಾಭವಿರಬಹುದು, ಆದರೆ ಅಂತಾರಾಷ್ಟ್ರೀಯ ವೇಳಾಪಟ್ಟಿಗೆ ಅನುಕೂಲಕರವಲ್ಲ. 2011ರಲ್ಲಿ ಬಿಸಿಸಿಐ ಐಪಿಎಲ್‌ ಪಂದ್ಯಗಳ ಸಂಖ್ಯೆಯನ್ನು 74ಕ್ಕೆ ಏರಿಸಿತ್ತು. ಈ ಬಾರಿ 94ಕ್ಕೆ ಹೆಚ್ಚಿಸುವ ಲೆಕ್ಕಾಚಾರ ಹಾಕಿಕೊಂಡಿದೆ. ಇದನ್ನು ಬಿಸಿಸಿಐ ಹೇಗೆ ನಿಭಾಯಿಸುತ್ತದೆ ಎನ್ನುವುದು ಮುಖ್ಯ ಪ್ರಶ್ನೆ.
ಇದನ್ನೂ ಓದಿ:ಐಸಿಸಿ ದಶಕದ ತಂಡ ಪ್ರಕಟ : ಏಕದಿನ,ಟಿ-ಟ್ವಿಂಟಿಯಲ್ಲಿ ಧೋನಿ ನಾಯಕ : ಭಾರತೀಯರೇ ಮೇಲುಗೈ
5 ತಂಡಗಳ 2 ಗುಂಪು?
2011ರ ಮಾದರಿಯನ್ನು ಅನುಸರಿಸುವುದು ಸದ್ಯ ಬಿಸಿಸಿಐ ಮುಂದಿರುವ ಪ್ರಮುಖ ಆಯ್ಕೆ. ಅಂದರೆ 10 ತಂಡಗಳನ್ನು ತಲಾ ಐದು ತಂಡಗಳ ಎರಡು ಗುಂಪುಗಳನ್ನಾಗಿ ವಿಂಗಡಿಸಿ, ಪಂದ್ಯಗಳ ಸಂಖ್ಯೆಯನ್ನು ಕಡಿತ ಮಾಡುವುದು. ಬಿಸಿಸಿಐ ಇದಕ್ಕೆ ಮುಂದಾದೀತೇ? ಕಾದು ನೋಡಬೇಕು.
