Advertisement
ಪರೀಕ್ಷೆ ಹೇಗೆ?ಕಾರನ್ನು ಜಾಕ್‌ ಹಾಕಿ ಎತ್ತಬೇಕು ಅಥವಾ ರ್‍ಯಾಂಪ್‌ ಮೇಲೆ ನಿಲ್ಲಿಸಬೇಕು. ಗಿಯರ್‌ ಬಾಕ್ಸ್‌ ಬದಿಯಿಂದ ಕ್ಲಚ್‌ ಕೇಬಲ್‌ ಸಂಪರ್ಕ ತಪ್ಪಿಸಿ. ಈಗ ಕ್ಲಚ್‌ ಪೆಡಲ್‌ ಅನ್ನು ತುಸು ಒತ್ತಿ. ಕೇಬಲ್‌ ಸರಾಗವಾಗಿ ಚಲಿಸುತ್ತಿದೆ ಎಂದಾದರೆ ಸಮಸ್ಯೆಯಿಲ್ಲ. ಒಂದು ವೇಳೆ ಸರಾಗವಾಗಿ ಚಲಿಸುತ್ತಿಲ್ಲ ಎಂದಾದರೆ ಒಳಭಾಗದಲ್ಲಿ ಕಡಿದಿರಬಹುದು ಅಥವಾ ಕೇಬಲ್‌ ಓರೆಕೋರೆಯಾಗಿ ಸಿಕ್ಕಿ ಹಾಕಿದಂತೆ ಇದ್ದು ಸಮಸ್ಯೆಯಾಗಿರಬಹುದು.
ಆರಂಭದಲ್ಲಿ ಕೇಬಲ್‌ ಸಂಪರ್ಕವನ್ನು ಗಿಯರ್‌ಬಾಕ್ಸ್‌ ನಿಂದ ತೆಗೆಯಿರಿ. ಪೆಡಲ್‌ ಕ್ಲೆವಿಸ್‌ ಪಿನ್‌ನಿಂದ ತೆಗೆದು ಕೇಬಲ್‌ ಹೊರತೆಗೆಯಿರಿ. ನೆನಪಿಡಿ. ಕೇಬಲ್‌ ಪೆಡಲ್‌ಗೆ ಜೋಡಣೆಯಿರುವ ವೇಳೆ ವಾಶರ್‌ಗಳು, ಬೋಲ್ಟ್‌ಗಳು ಇರುತ್ತವೆ. ಇವುಗಳು ಯಾವ ಸ್ಥಾನದಲ್ಲಿ ಹೇಗಿವೆ ಎಂಬುದನ್ನು ಗಮನಿಸಿ. ಪುನರ್‌ ಜೋಡಣೆ ವೇಳೆ ಸುಲಭವಾಗುತ್ತದೆ. ಒಂದು ವೇಳೆ ಮರೆತು ಹೋಗಬಹುದು ಎಂಬ ಸಂಶಯವಿದ್ದರೆ ಮೊಬೈಲ್‌ನಲ್ಲಿ ಫೋಟೋ ಕ್ಲಿಕ್ಕಿಸಿ ಇಟ್ಟುಕೊಳ್ಳಿ.
Related Articles
Advertisement
ಕ್ಲಚ್‌ ವಯರ್‌ ಹಾಳಾಗಿರುವುದು ಗೊತ್ತಾಗುವುದು ಹೇಗೆ?ಕ್ಲಚ್‌ ಪೆಡಲ್‌ ಒತ್ತುವುದೇ ಕಷ್ಟ: ಕೆಲವೊಮ್ಮೆ ಕ್ಲಚ್‌ ಪೆಡಲ್‌ ಒತ್ತುವುದೇ ಕಷ್ಟವಾಗಬಹುದು. ಒಂದು ವೇಳೆ ಶಕ್ತಿ ಹಾಕಿದರೆ ಕೂಡಲೇ ತುಂಡಾಗಿ ಗಿಯರ್‌ ಹಾಕಲು ಸಾಧ್ಯವಾಗದೇ ಇರಬಹುದು. ಕ್ಲಚ್‌ ಪೆಡಲ್‌ ನಿರ್ಜೀವ: ಕಾರಿನೊಳಗೆ ಕ್ಲಚ್‌ ಪೆಡಲ್‌ ನೆಲಕ್ಕಚ್ಚಿರಬಹುದು. ಅದನ್ನು ಎತ್ತಿದರೂ ಸರಿಯಾಗಿ ನಿಲ್ಲುತ್ತಿಲ್ಲ ಎಂದಾದರೆ ಹಾಳಾಗಿದೆ ಎಂದರ್ಥ.
ಗಿಯರ್‌ ಸ್ಲಿಪ್‌: ಕೆಲವೊಮ್ಮೆ ಕ್ಲಚ್‌ ಕೇಬಲ್‌ ಸಮಸ್ಯೆಯಿಂದಾಗಿ ಗಿಯರ್‌ ಹಾಕುವ ವೇಳೆ ಸ್ಲಿಪ್‌ ಆಗುವ ಸಮಸ್ಯೆಗಳೂ ಕಂಡುಬರಬಹುದು. ಜರ್ಕಿಂಗ್‌: ಕ್ಲಚ್‌ ಕೇಬಲ್‌ ಹಾಳಾಗಿ ಗಿಯರ್‌ ಹಾಕುವ ವೇಳೆ ಕಾರು ಜರ್ಕ್‌ ಸಿಕ್ಕಂತೆ ಭಾಸವಾಗುವ ಸಾಧ್ಯತೆಯೂ ಇರುತ್ತದೆ. - ಈಶ