ಎಲಾನ್‌ ಮಸ್ಕ್ ಅವರ ಟೆಸ್ಲಾ ಆಟೋಪೈಲೆಟ್‌ಗೆ ಭಾರತದ ಅಶೋಕ್‌ ಮೊದಲ ಸಿಬ್ಬಂದಿ

ವಾಷಿಂಗ್ಟನ್‌ : ವಿಶ್ವದ ಶ್ರೀಮಂತ ವ್ಯಕ್ತಿ ಎಲಾನ್‌ ಮಸ್ಕ್ ಅವರ ಟೆಸ್ಲಾ ಆಟೋಪೈಲೆಟ್‌ ಸಂಸ್ಥೆಗೆ ಇತ್ತೀಚೆಗೆ ಟ್ವಿಟರ್‌ ಮೂಲಕವೇ ನೇಮಕಾತಿ ಮಾಡಿಕೊಳ್ಳಲಾಗಿದೆ. ವಿಶೇಷವೆಂದರೆ ಆ ರೀತಿ ನೇಮಕವಾದ ಮೊದಲನೇ ಸಿಬ್ಬಂದಿ ಭಾರತದ ತಮಿಳುನಾಡು ಮೂಲದ ಅಶೋಕ್‌ ಎಲ್ಲುಸ್ವಾಮಿ.

ಈ ವಿಚಾರವನ್ನು ಮಸ್ಕ್ ಅವರೇ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಸಂಸ್ಥೆಗೆ ನಿರ್ದೇಶಕರಾಗಿ ಆ್ಯಂಡ್ರೆಜ್‌ ಇದ್ದಾರೆ. ಜನರು ನನ್ನನ್ನು ಮತ್ತು ಆ್ಯಂಡ್ರೆಜ್‌ರನ್ನು ಹೊಗಳುತ್ತಾರೆ. ಆದರೆ, ನಮ್ಮ ಟೀಮ್‌ನಲ್ಲಿ ವಿಶ್ವದ ಅತ್ಯಂತ ಪ್ರತಿಭಾವಂತ ಸಿಬ್ಬಂದಿಯಿದ್ದಾರೆ ಎಂದು ಟ್ವೀಟ್‌ ಮಾಡಿದ್ದಾರೆ.

ಚೆನ್ನೈನ ಕಾಲೇಜ್‌ ಆಫ್ ಇಂಜಿನಿಯರಿಂಗ್‌ನಲ್ಲಿ ಇಂಜಿನಿಯರಿಂಗ್‌ ಮಾಡಿರುವ ಅಶೋಕ್‌ ಕಾರ್ನೆಗೀ ಮೆಲ್ಲಾನ್‌ ವಿಶ್ವವಿದ್ಯಾಲಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಅವರು ಈ ಹಿಂದೆ ಫೋಕ್ಸ್‌ವ್ಯಾಗನ್‌ ಎಲೆಕ್ಟ್ರಾನಿಕ್‌ ರಿಸರ್ಚ್‌ ಲ್ಯಾಬ್‌ನಲ್ಲಿ ಕೆಲಸ ಮಾಡುತ್ತಿದ್ದರು.

ಇದನ್ನೂ ಓದಿ : ಮನೆಗೇ ಬೆಂಕಿ ಇಡುವ ಬೆಕ್ಕುಗಳು! ಹುಷಾರಾಗಿರಿ ಎಂದು ಸರ್ಕಾರದಿಂದ ಎಚ್ಚರಿಕೆ