ರಕ್ಕಸಗಿ ಗ್ರಾಮದಲ್ಲಿ ಮನೆಗೋಡೆ ಕುಸಿತ: ಅಪಾಯದಿಂದ ಪಾರಾದ ಕುಟುಂಬ

ವಿಜಯಪುರ: ಜಿಲ್ಲೆಯಲ್ಲಿ ಮಳೆ ಮುಂದುವರೆದಿದ್ದು, ಬೆಳೆ ಹಾನಿಯ ಜೊತೆ ಮನೆಗಳ ಗೋಡೆಗಳು ಕುಸಿಯಲು ಆರಂಭಿಸಿವೆ.

ಮುದ್ದೇಬಿಹಾಳ ತಾಲೂಕ ರಕ್ಕಸಗಿ ಗ್ರಾಮದಲ್ಲಿ ಭಾನುವಾರ ತಡರಾತ್ರಿ ಜಗದೀಶ ಹೂಗಾರ ಎಂಬರ ಮನೆ ಗೋಡೆ ಕುಸಿದಿದೆ. ಸುದೈವಶಾತ್ ಗೋಡೆ ಮನೆಯ ಹೊರ ಭಾಗಕ್ಕೆ ಕುಸಿದಿದ್ದರಿಂದ ಮನೆಯಲ್ಲಿ ಮಲಗಿದ್ದ ಐವರು ಪ್ರಾಣಾಯದಿಂದ ಪಾರಾಗಿದ್ದಾರೆ.

ಜಿಲ್ಲೆಯ ಗ್ರಾಮೀಣ ಭಾಗದಲ್ಲಿ ಮಣ್ಣಿನ ಮನೆಗಳೆ ಇರುವ ಕಾರಣ ಮಳೆ ನೀರಿಗೆ ಮನೆಗಳು ನೆನೆದು ಕುಸಿಯಲು ಆರಂಭಿಸಿವೆ.

ಕೂಡಲೇ ಜಿಲ್ಲಾಡಳಿತ ಬಾಧಿತರ ನೆರವಿಗೆ ಬರಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.