Daily Horoscope: ಮನೆಮಂದಿಯೊಂದಿಗೆ ಸಣ್ಣ ಪ್ರವಾಸ ಸಾಧ್ಯ, ಆರೋಗ್ಯದತ್ತ ಗಮನ ಹರಿಸಿ

ಮೇಷ: ರಜೆಯ ದಿನವಾದರೂ ಅನೇಕ ಚಟುವಟಿಕೆಗಳು. ಮನೆಯಲ್ಲಿ ಸಂಭ್ರಮದ ವಾತಾವರಣ. ಹತ್ತಿರದ ದೇವತಾ ಕ್ಷೇತ್ರಕ್ಕೆ ಭೇಟಿ ಯಿಂದ ಮನೋಲ್ಲಾಸ. ದೂರದಲ್ಲಿರುವ ಬಂಧು ಮಿತ್ರರಿಂದ ಶುಭ ಸಮಾಚಾರ.

ವೃಷಭ: ಸಂಸ್ಥೆಗೆ ಹೊಸ ಆಸ್ತಿ ಖರೀದಿ ಮಾತುಕತೆ. ವಿರಾಮದ ಸಂದರ್ಭದಲ್ಲಿ ಓಡಾಟದಿಂದ ಬಹುಮಂದಿಯ ಸಂಪರ್ಕ. ಕುಟುಂಬ ದಲ್ಲಿ ಎಲ್ಲರಿಗೂ ಉಲ್ಲಾಸದ ಮನೋಭಾವ. ಮನೆಯಲ್ಲಿ ಹಬ್ಬದ ವಾತಾವರಣದ ನಡುವೆ ವಿವಾಹ ಮಾತುಕತೆ.

ಮಿಥುನ: ಮನೆಯಲ್ಲಿ ದೇವತಾರ್ಚನೆಯ ಸಂಭ್ರಮ. ಬಂಧುಗಳ ಮನೆಯಲ್ಲಿ ವಿವಾಹ. ವ್ಯವಹಾರಸ್ಥರಿಗೆ ನಿರಾಳ ಮನೋಭಾವ. ಹಿರಿಯರಿಗೆ, ಗೃಹಿಣಿಯರಿಗೆ, ಮಕ್ಕಳಿಗೆ ಹರ್ಷದ ವಾತಾವರಣ.

ಕರ್ಕಾಟಕ: ಮನೆಯಲ್ಲಿ, ಸಂಸಾರದಲ್ಲಿ ಶಾಂತಿ ಹಾಗೂ ಸಾಮರಸ್ಯದ ವಾತಾವರಣ. ಉದ್ಯೋಗಸ್ಥರಿಗೆ ತಾತ್ಕಾಲಿಕ ನೆಮ್ಮದಿ. ವ್ಯವಹಾರ ಕ್ಷೇತ್ರದ ಮಿತ್ರರೊಂದಿಗೆ ಮಿಲನ. ಉದ್ಯೋಗಾಕಾಂಕ್ಷಿ ಶಿಕ್ಷಿತರಿಗೆ ಅವಕಾಶಗಳು ಗೋಚರ.

ಸಿಂಹ: ವ್ಯವಹಾರ ಮತ್ತು ಕಾರ್ಯ ಸುಧಾರಣೆಯ ಚಿಂತೆ. ನೂತನ ಗೃಹ ನಿರ್ಮಾಣ ಕಾರ್ಯ ಮುಂದುವರಿಕೆ. ವೈದ್ಯರು, ಎಂಜಿನಿಯರರು, ನ್ಯಾಯವಾದಿಗಳು ಮೊದಲಾದ ವೃತ್ತಿಪರರಿಗೆ ಕೆಲಸದ ಒತ್ತಡ.

ಕನ್ಯಾ: ಸತ್ಪಾತ್ರರಿಗೆ ದಾನ ಮಾಡುವ ಅವಕಾಶ ಪ್ರಾಪ್ತಿ. ಎಲ್ಲರ ದೇಹಾರೋಗ್ಯ ಉತ್ತಮ. ವ್ಯಾಪಾರ ಕ್ಷೇತ್ರದಲ್ಲಿ ಮಂದಗತಿಯ ಆದರೆ ಸ್ಥಿರವಾದ ಪ್ರಗತಿ. ಉದ್ಯೋಗ ಅರಸುತ್ತಿರುವವರಿಗೆ ಶುಭ ಸಮಾಚಾರ. ಕುಟುಂಬಸ್ಥರ ಮನೆಯಲ್ಲಿ ವಿವಾಹ.

ತುಲಾ: ಹಿರಿಯ ಬಂಧುವಿನಿಂದ ಬದುಕಿನಲ್ಲಿ ಮಾರ್ಗದರ್ಶನ. ದೂರದಲ್ಲಿರುವ ನೆಂಟರಿಂದ ಶುಭ ಸಮಾಚಾರ. ಬಾಲ್ಯಕಾಲದ ಒಡನಾಡಿಯ ಅಕ ಸ್ಮಾತ್‌ ಭೇಟಿಯಿಂದ ಹೆಚ್ಚಿದ ಹುಮ್ಮಸ್ಸು. ಗೆಳೆಯರ ಜತೆಯಲ್ಲಿ ಸಣ್ಣ ಪ್ರವಾಸದ ಸಾಧ್ಯತೆ.

ವೃಶ್ಚಿಕ: ಸ್ವಂತ ಶಕ್ತಿಯಲ್ಲಿ ಸುಖಜೀವನ ನಡೆಸಲು ತೊಂದರೆಯಾಗದು. ಹಿರಿಯರ ಆರೋಗ್ಯ ಕೊಂಚ ಏರುಪೇರು. ಪರ್ಯಾಯ ಚಿಕಿತ್ಸೆ ಯಿಂದ ಪರಿಹಾರ. ವ್ಯವಹಾರಸ್ಥರಿಗೆ ಅನಿರೀಕ್ಷಿತ ಮೂಲ ದಿಂದ ಧನಾಗಮ. ದೇವತಾರಾಧನೆಯೊಂದಿಗೆ ಹಬ್ಬ.

ಧನು: ಗೃಹಸಂಬಂಧಿ ಕಾರ್ಯಗಳಲ್ಲಿ ತಲ್ಲೀ ನರಾಗುವಿರಿ. ಮಕ್ಕಳ ಮದುವೆಯ ಸಿದ್ಧತೆ. ಗೃಹಾಲಂಕಾರದ ಕೆಲಸಗಾರರಿಗೆ ಕೈತುಂಬಾ ಕೆಲಸ ಹಾಗೂ ಸಂಪಾದನೆ. ದೂರದ ನೆಂಟರ ಆಗಮನ. ವಾಹನ ಚಾಲನೆಯಲ್ಲಿ ಎಚ್ಚರ ಇರಲಿ.

ಮಕರ: ತಾಳ್ಮೆ, ಜಾಣ್ಮೆಗಳಿಂದ ವ್ಯವಹಾರ ಗಳಲ್ಲಿ ಯಶಸ್ಸು. ಸಾಧನೆಯ ಮಾರ್ಗದಲ್ಲಿ ಅಚಲವಾಗಿ ನಿಲ್ಲುವುದರಿಂದ ಇಷ್ಟಾರ್ಧ ಸಿದ್ಧಿ. ಉದ್ಯೋಗ ಸಂಬಂಧ ಹೊಸ ವಿದ್ಯೆ ಕಲಿಯುವ ಸಿದ್ಧತೆ. ಶುಭ ಸಮಾರಂಭಕ್ಕಾಗಿ ಬಂಧುಗಳ ಮನೆಗೆ ಭೇಟಿ.

ಕುಂಭ: ಸಮಾಜದಲ್ಲಿ ಗೌರವ ಪ್ರಾಪ್ತಿ. ಜನಸೇವೆಯಲ್ಲಿ ಹೊಸ ಅವಕಾಶಗಳ ಅನ್ವೇಷಣೆ. ಆಸ್ತತ್ರೆ, ಅನಾಥಾಲಯಗಳಿಗೆ ಸಂದ ರ್ಶನ. ಪರಿಸರ ನೈರ್ಮಲ್ಯ ಯೋಜನೆಗಳ ಅನುಷ್ಠಾನದಲ್ಲಿ ವಿಶೇಷ ಪಾತ್ರ. ಹಿರಿಯರಿಗೆ ಸ್ವಾವಲಂಬಿ ಬದುಕು. ಆರೋಗ್ಯ ಉತ್ತಮ.

ಮೀನ: ಆನಂದದಲ್ಲಿ ದಿನವನ್ನು ಕಳೆಯುವಿರಿ. ಶಿವ ವಿಷ್ಣು, ಆಂಜನೇಯರ ಉಪಾಸನೆಯಿಂದ ಸಮಸ್ಯೆಗಳು ದೂರ. ಹಿರಿಯರ ಆರೋಗ್ಯ ಉತ್ತಮ. ಮನೆಮಂದಿಯೊಂದಿಗೆ ಸಣ್ಣ ಪ್ರವಾಸ ಸಾಧ್ಯ. ಆಸ್ಪತ್ರೆ, ಅನಾಥಾಶ್ರಮ, ಗೋಶಾಲೆಗಳಿಗೆ ಭೇಟಿ ನೀಡುವ ಸಂಭವ. ಮಕ್ಕಳ ಆರೋಗ್ಯ ಗಮನಹರಿಸಿ.