ಗಾಲ್ವಾನ್‌ ಹುತಾತ್ಮರಿಗೆ ಗೌರವ?

ಹೊಸದಿಲ್ಲಿ: ಚೀನೀ ಯೋಧರನ್ನು ಬಗ್ಗುಬಡಿದು ಗಾಲ್ವಾನ್‌ ಸಂಘರ್ಷದಲ್ಲಿ ವೀರಮರಣ ಅಪ್ಪಿದ ಕರ್ನಲ್‌ ಬಿ. ಸಂತೋಷ್‌ ಬಾಬು ಸೇರಿದಂತೆ ಹಲವು ಹುತಾತ್ಮ ಯೋಧರಿಗೆ ಗಣರಾಜ್ಯೋತ್ಸವ ಸಮಾರಂಭದಲ್ಲಿ ಕೇಂದ್ರ ಸರಕಾರ ಮರಣೋತ್ತರ ಗೌರವ ನೀಡುವ ಸಾಧ್ಯತೆ ಇದೆ. 2020ರ ಜೂ.15ರ ಗಾಲ್ವಾನ್‌ ಸಂಘರ್ಷದಲ್ಲಿ 35ಕ್ಕೂ ಅಧಿಕ ಪಿಎಲ್‌ಎ ಸೈನಿಕರು, ಭಾರತದ 20 ವೀರಯೋಧರು ಹುತಾತ್ಮರಾಗಿದ್ದರು. “ಗಾಲ್ವಾನ್‌ ಸಂಘ ರ್ಷದಲ್ಲಿ ಕೆಚ್ಚೆದೆಯ ಹೋರಾಟ ನಡೆಸಿದ ಕರ್ನಲ್‌ ಸಂತೋಷ್‌ ಬಾಬು ಸೇರಿದಂತೆ ಹಲವರಿಗೆ ಮರಣೋತ್ತರ ಶೌರ್ಯ ಪ್ರಶಸ್ತಿ ನೀಡುವ ಸಾಧ್ಯತೆ ಇದೆ’ ಎಂದು ಮೂಲಗಳು ತಿಳಿಸಿವೆ.

ಭಾರತೀಯ ಸೇನೆ ಈಗಾಗಲೇ ಪೂರ್ವ ಲಡಾಖ್‌ನ “ಪೋಸ್ಟ್‌ 120′ ಪ್ರದೇಶದಲ್ಲಿ ಬಿಹಾರಿ ರೆಜಿಮೆಂಟ್ಸ್‌ನ ಹುತಾತ್ಮರಿಗೆ “ಗಾಲ್ವಾನ್‌ ಪರಾಕ್ರಮಿಗಳ ಸ್ಮಾರಕ’ ನಿರ್ಮಿಸಿ ಗೌರವ ಸಮರ್ಪಿಸಿದೆ.