ಕೋವಿಡ್ ಎಫೆಕ್ಟ್: ಶ್ವಾನಗಳಿಗಿಲ್ಲ ಆಹಾರ

ಹೊನ್ನಾಳಿ: ಕೋವಿಡ್ ಲಾಕ್‌ಡೌನ್‌ನಿಂದಾಗಿ ಪಟ್ಟಣದ ಶ್ವಾನಗಳು ಆಹಾರವಿಲ್ಲದೆ ಪರಿತಪಿಸುತ್ತಿರುವ ದೃಶ್ಯ ಮನ ಕಲಕುವಂತಿದೆ. ಬೀದಿ ನಾಯಿಗಳು ಆಹಾರವಿಲ್ಲದೆ ಖಾಸಗಿ ಬಸ್‌ನಿಲ್ದಾಣದ ಆವರಣದಲ್ಲಿ ಕಳೆದ ಒಂದು ತಿಂಗಳಿನಿಂದ ಮಲಗಿವೆ.

ಬಡವರಿಗೆ, ನಿರ್ಗತಿಕರಿಗೆ, ಅಲೆಮಾರಿಗಳಿಗೆ ಪ್ರತಿ ನಿತ್ಯ ಆಹಾರ, ಆಹಾರದ ಕಿಟ್‌ ದೊರೆಯುತ್ತಿದೆ. ಆದರೆ ಮೂಕ ಪ್ರಾಣಿಗಳ ಹಸಿವನ್ನು ನೀಗಿಸುವವರಿಲ್ಲದಂತಾಗಿದೆ. ಲಾಕ್‌ಡೌನ್‌ಗೆ ಮುನ್ನ ಖಾಸಗಿ ಬಸ್‌ನಿಲ್ದಾಣದ ಸುತ್ತಮುತ್ತ ತಳ್ಳುವ ಗಾಡಿಗಳಲ್ಲಿ ತಯಾರಾಗಿ ಉಳಿದ ಎಗ್‌ರೈಸ್‌, ಮೀನು, ಮಾಂಸ ಸೇರಿದಂತೆ ಇತರ ಆಹಾರದ ಪದಾರ್ಥಗಳು ಬೀದಿನಾಯಿಗಳಿಗೆ ದೊರೆಯುತ್ತಿದ್ದರು. ಈಗ ಅಂತಹ ಯಾವುದೇ ಆಹಾರ ದೊರೆಯದ್ದರಿಂದ ಶ್ವಾನಗಳು ಹಸಿವಿನಿಂದ ಪರಿತಪಿಸುವಂತಾಗಿವೆ.