ಜೇನು ಕಚ್ಚಿ ವ್ಯಕ್ತಿ ಸಾವು; 8 ಮಂದಿ ಗಂಭೀರ ಗಾಯ

ಸಕಲೇಶಪುರ: ಜೇನುಹುಳುಗಳ ಹಿಂಡೊಂದು ಕಚ್ಚಿದ ಪರಿಣಾಮ ವ್ಯಕ್ತಿಯೋರ್ವರು ಮೃತಪಟ್ಟರೆ ಏಳೆಂಟು ಮಂದಿ ಗಾಯಗೊಂಡಿರುವ ಘಟನೆ ತಾಲೂಕಿನಲ್ಲಿ ತಾಲೂಕಿನ ಬೆಳಗೋಡು ಹೋಬಳಿಯ ಗುಲಗಳಲೆ ಗ್ರಾಮದಲ್ಲಿ ನಡೆದಿದೆ.

ಪಟ್ಟಣದ ರಾಘವೇಂದ್ರ ನಗರ ಬಡಾವಣೆ ನಿವಾಸಿ ಚಂದ್ರು (70) ಮೃತ ಪಟ್ಟ ದುರ್ದೈವಿಯಾಗಿದ್ದಾರೆ .

ಗುಲಗಳಲೆ ಗ್ರಾಮದ ಸಂಬಂಧಿಕರೋರ್ವರ ತೋಟದಲ್ಲಿ ಕೃಷಿ ಕೆಲಸ ಮಾಡಿಕೊಂಡು ಹಿಂತಿರುಗಿ ಬರುವಾಗ ಜೇನಿನ ಹಿಂಡೊಂದು ದಾಳಿ ನಡೆಸಿದ್ದು ಈ ಸಂಧರ್ಭದಲ್ಲಿ ಜೊತೆಗಿದ್ದ ಅವರ‌ ಪತ್ನಿ ಸುಲೋಚನಾ ಹಾಗೂ ಅವರ ತಂಗಿ ಪಾರ್ವತಿ ಎಂಬುವರು ಸಹ ಗಂಭೀರ ಗಾಯಗೊಂಡು ಪಟ್ಟಣದ ಕ್ರಾಫರ್ಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇದನ್ನೂ ಓದಿ:ನೈಸರ್ಗಿಕ ಜೀವಸಂಕುಲ ಮರೆತು ಅಂಜನಾದ್ರಿಗಾಗಿ ಸಾವಿರ ಎಕರೆ ಭೂಮಿ ಸ್ವಾಧೀನಕ್ಕೆ ಸಿದ್ಧತೆ?

ಗುಲಗಳಲೆ ಗ್ರಾಮದ ಶಿವಾನಂದ್ ಹಾಗೂ ಅಜೀಜ್ ಎಂಬುವರು ಸಹ ಜೇನುಹುಳದ ದಾಳಿಯಿಂದ ಗಾಯಗೊಂಡಿದ್ದಾರೆ‌.ಸಾವಿರಾರು ಜೇನುನೊಣಗಳು ದಾಳಿ ನಡೆಸಿದ್ದು ಈ ಸಂದರ್ಭದಲ್ಲಿ ಅಕ್ಕಪಕ್ಕದ ಮನೆಯವರು ಬಾಗಿಲು ಹಾಕಿಕೊಂಡಿದ್ದರಿಂದ ಜೇನುಹುಳಗಳ ದಾಳಿಯಿಂದ ರಕ್ಷಣೆ ಪಡೆಯಲು ಸಾಧ್ಯವಾಗಿಲ್ಲ. ಪಟ್ಟಣದ ಕ್ರಾಫರ್ಡ್ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಯಿತು.