ಎನ್‌ಐಟಿಕೆಯಲ್ಲಿ ಹೋಳಿ ಹಬ್ಬದ ರಂಗು

ಸುರತ್ಕಲ್‌: ಇಲ್ಲಿನ ಎನ್‌ಐಟಿಕೆ ಕ್ಯಾಂಪಸ್‌ ಸೋಮವಾರ ಸಪ್ತವರ್ಣದ ರಂಗಿನಿಂದ ತುಂಬಿ ಹೋಗಿತ್ತು. ಎಲ್ಲೆಲ್ಲೂ ಕಲರ್‌ಫುಲ್‌ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು. ಒಬ್ಬನ್ನೊಬ್ಬರು ಅಟ್ಟಾಡಿಸುತ್ತಾ ರಂಗು ಎಸೆಯುತ್ತಿದ್ದ ದೃಶ್ಯ, ಬಚ್ಚಿಟ್ಟುಕೊ ಳ್ಳುತ್ತಾ ಸ್ನೇಹಿತರು ಬಂದೊಡನೆಯೇ ಬಣ್ಣ ಎಸೆಯುತ್ತಾ ಹೋಳಿ ಆಚರಿಸಿದರು.

ಹೋಳಿ ಹಬ್ಬಕ್ಕೆ  ಡಿಜೆ ಸಂಗೀತ ಮತ್ತಷ್ಟು ರಂಗೇರಿಸಿತ್ತು. ಲಯಬದ್ಧ ಸಂಗೀತಕ್ಕೆ ಸಾವಿರಾರು ವಿದ್ಯಾರ್ಥಿಗಳು ನೃತ್ಯ ಮಾಡುತ್ತಾ ಕ್ಯಾಂಪಸ್‌ ತುಂಬಾ ಸಂಭ್ರಮಿಸಿದರು.  ಪತ್ರಿಕೆ ಜತೆ ಮಾತನಾ ಡಿದ ಚಿತ್ರದುರ್ಗದ ಸುರೇಶ್‌, ಇಲ್ಲಿ ಇದು ನನ್ನ ಎರಡನೇ ವರ್ಷದ ಹೋಳಿ ಸಂಭ್ರಮ. ಕುಟುಂಬವನ್ನು ಈ ವೇಳೆ ಮಿಸ್‌ ಮಾಡಿಕೊಂಡರೂ ಇಲ್ಲಿ ಸ್ನೇಹಿತರ ಜತೆ ಹೋಳಿ ಆಚರಿಸುವುದಕ್ಕೆ ಸಂತಸವಾಗುತ್ತದೆ ಎಂದರು.