ಹೊಳಲ್ಕೆರೆ: ಭಾರಿ ಮಳೆಗೆ ಹೆದ್ದಾರಿ ಮುಳುಗಡೆ ; ಸಂಚಾರ ಅಸ್ತವ್ಯಸ್ತ

ಹೊಳಲ್ಕೆರೆ: ತಾಲೂಕಿನ ಚಿತ್ರದುರ್ಗ ಶಿವಮೊಗ್ಗ ರಾಷ್ಟ್ರೀಯ ಹೆದ್ದಾರಿಗೆ ಹೊಂದಿಕೊಂಡಿ ಗಿಲಿಕೆನಹಳ್ಳಿ ಹಳೇಹಳ್ಳಿ ಹತ್ತಿರ ರಾತ್ರಿ ಸುರಿದ ಭಾರಿ ಮಳೆಗೆ ಹೆದ್ದಾರಿಯಲ್ಲಿ ನೀರು ನಿಂತುಕೊಂಡು ಸಂಚಾರಕ್ಕೆ ಸಂಪೂರ್ಣ ತೊಂದರೆ ಆಗಿದೆ.

ಹಲವಾರು ವರ್ಷಗಳಿಂದ ಮಳೆ ಇಲ್ಲದೆ ಬಣಗುಡುತ್ತಿದ್ದ ಹಳೆಹಳ್ಳಿ ಕೆರೆ ಈ ವರ್ಷ ಭರ್ತಿಯಾಗಿದ್ದು ರಾತ್ರಿ ಸುರಿದ ಮಳೆಗೆ ರಾಷ್ಟ್ರೀಯ ಹೆದ್ದಾರಿಯ ಗೆಲಿಕೆನಹಳ್ಳಿ ಯಿಂದ ಹಳೆಹಳ್ಳಿ ಗೇಟಿನವರೆಗೆ ನೀರು ನಿಂತುಕೊಂಡ ಪರಿಣಾಮ ವಾಹನ ಸಂಚಾರ ಸಂಪೂರ್ಣವಾಗಿ ಅಸ್ತವ್ಯಸ್ತಗೊಂಡಿತ್ತು.

ನಾಗರಿಕರು ಒಂದೆಡೆಯಿಂದ ಮತ್ತೊಂದೆಡೆಗೆ ವಾಹನಗಳಲ್ಲಿ ಸಂಚರಿಸಲು ಸಾಧ್ಯವಾಗದೆ ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು .ಇನ್ನು ಹಲವಾರು ವಾಹನಗಳು ನೀರಿನಲ್ಲಿ ಕೊಚ್ಚಿ ಹೋಗುವ ಆತಂಕದಿಂದಾಗಿ ವಾಹನ ಸಂಚಾರ ನಿಲ್ಲಿಸಲಾಗಿತ್ತು.

ಸರಕಾರ ಇತ್ತಕಡೆ ಗಮನ ಹರಿಸಬೇಕು, ರಸ್ತೆಯ ಮೇಲಿನ ನೀರನ್ನು ತೆರವುಗೊಳಿಸಲು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ನಾಗರಿಕರು ಆಗ್ರಹಿಸಿದ್ದಾರೆ.