ಹಾಕಿ: ಪೋಲೆಂಡ್‌ ವಿರುದ್ಧ 3-1 ಗೆಲುವು

ಭುವನೇಶ್ವರ: ಎಫ್ಐಎಚ್‌ ಸೀರೀಸ್‌ ಫೈನಲ್ಸ್‌ ಹಾಕಿ ಸರಣಿಯಲ್ಲಿ ಆತಿಥೇಯ ಭಾರತ ಸತತ 2ನೇ ಗೆಲುವು ದಾಖಲಿಸಿದೆ. ಗುರುವಾರ ರಶ್ಯವನ್ನು 10-0 ಭರ್ಜರಿ ಅಂತರದಿಂದ ಕೆಡವಿದ ಮನಪ್ರೀತ್‌ ಸಿಂಗ್‌ ಪಡೆ ಶುಕ್ರವಾರ ಪೋಲೆಂಡ್‌ ವಿರುದ್ಧ 3-1 ಗೋಲುಗಳ ಜಯ ಸಾಧಿಸಿತು.

ಭಾರತದ 2 ಗೋಲುಗಳನ್ನು ಮನ್‌ಪ್ರೀತ್‌ ಸಿಂಗ್‌ ಬಾರಿಸಿದರು (21ನೇ ಮತ್ತು 26ನೇ ನಿಮಿಷ). ಇನ್ನೊಂದು ಗೋಲನ್ನು ಡ್ರ್ಯಾಗ್‌ ಫ್ಲಿಕರ್‌ ಹರ್ಮನ್‌ಪ್ರೀತ್‌ ಸಿಂಗ್‌ 36ನೇ ನಿಮಿಷದಲ್ಲಿ ಹೊಡೆದರು. ಪೋಲೆಂಡ್‌ನ‌ ಏಕೈಕ ಗೋಲು 25ನೇ ನಿಮಿಷದಲ್ಲಿ ದಾಖಲಾಯಿತು.

ಲೀಗ್‌ ಹಂತದ ಕೊನೆಯ ಪಂದ್ಯದಲ್ಲಿ ಭಾರತ ಜೂ. 10ರಂದು ಉಜ್ಬೆಕಿಸ್ಥಾನ್‌ ವಿರುದ್ಧ ಆಡಲಿದೆ.