Hockey; 5 ರಾಷ್ಟ್ರಗಳ ಹಾಕಿ: ಹರ್ಮನ್‌ಪ್ರೀತ್‌ ಸಿಂಗ್‌ ನಾಯಕ

ಹೊಸದಿಲ್ಲಿ: ಸ್ಪೇನ್‌ನ ವಲೆನ್ಸಿಯಾದಲ್ಲಿ ಡಿ. 15ರಿಂದ 22ರ ವರೆಗೆ ನಡೆಯಲಿರುವ ಐದು ರಾಷ್ಟ್ರಗಳ ಹಾಕಿ ಕೂಟದಲ್ಲಿ ಭಾಗವಹಿಸಲಿರುವ 24 ಸದಸ್ಯರ ಭಾರತೀಯ ತಂಡವನ್ನು ಖ್ಯಾತ ಡ್ರ್ಯಾಗ್‌ ಫ್ಲಿಕರ್‌ ಹರ್ಮನ್‌ಪ್ರೀತ್‌ ಸಿಂಗ್‌ ಮುನ್ನಡೆಸಲಿದ್ದಾರೆ.

ಯುವ ಮತ್ತು ಅನುಭವಿ ಆಟಗಾರರನ್ನು ಒಳಗೊಂಡ ಈ ತಂಡದ ಉಪನಾಯಕರಾಗಿ ಅಮಿತ್‌ ರೋಹಿದಾಸ್‌ ಆಯ್ಕೆ ಯಾಗಿದ್ದಾರೆ. 2023-24ರಲ್ಲಿ ನಡೆಯಲಿರುವ ಹಾಕಿ ಪ್ರೊ ಲೀಗ್‌ ಋತುವಿಗೆ ಸಿದ್ಧತೆ ನಡೆಸಲು ಈ ಕೂಟ ಸಾಕಷ್ಟು ನೆರವು ನೀಡುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಗೋಲುಕೀಪಿಂಗ್‌ ವಿಭಾಗಕ್ಕೆ ಸೂರಜ್‌ ಕರ್ಕೇರ ಮರಳಿ ದ್ದಾರೆ. ಹೀಗಾಗಿ ಪಿಆರ್‌ ಶ್ರೀಜೇಶ್‌ ಮತ್ತು ಕೃಷ್ಣನ್‌ ಪಿ. ಪಾಠಕ್‌ ಅವ ಬದಲು ಸೂರಜ್‌ ಹೆಚ್ಚಿನ ಪಂದ್ಯಗಳಲ್ಲಿ ಆಡುವ ಸಾಧ್ಯತೆಯಿದೆ. ರಕ್ಷಣಾತ್ಮಕ ಆಟದ ನೇತೃತ್ವವನ್ನು ಹರ್ಮನ್‌ಪ್ರೀತ್‌ ವಹಿಸುವ ಸಾಧ್ಯತೆಯಿದೆ.