Hoax Call: ಈ ವರ್ಷದಲ್ಲಿ 994 ವಿಮಾನಕ್ಕೆ ಹುಸಿ ಬಾಂಬ್‌ ಕರೆ ಬಂದಿದೆ: ಸರಕಾರ

ಹೊಸದಿಲ್ಲಿ: ಪ್ರಸಕ್ತ ವರ್ಷ 994 ವಿಮಾನಗಳಿಗೆ ಹುಸಿಬಾಂಬ್‌ ಬೆದರಿಕೆ ಕರೆಗಳು ಬಂದಿವೆ ಎಂದು ಕೇಂದ್ರ ಸರಕಾರ ಬುಧವಾರ ತಿಳಿಸಿದೆ. ಇಂತಹ ಕರೆಗಳಿಂದ ತಪ್ಪಿಸಿಕೊಳ್ಳಲು ವಿಮಾನಯಾನ ಕಾಯ್ದೆಗೆ ತಿದ್ದುಪಡಿ ತರಲು ಸಚಿವಾಲಯ ಮುಂದಾಗಿದೆ ಎಂದು ರಾಜ್ಯಸಭೆಯಲ್ಲಿ ಸರಕಾರ ಹೇಳಿದೆ.

2022ರ ಆಗಸ್ಟ್‌ ನಿಂದ ಇಲ್ಲಿಯವರೆಗೆ ಒಟ್ಟು 1,143 ಬೆದರಿಕೆ ಕರೆ ಅಥವಾ ಸಂದೇಶಗಳು ಬಂದಿವೆ. ಇದರಲ್ಲಿ ಈ ವರ್ಷ ನ.13ರ ವರೆಗೆ 994 ಕರೆಗಳು ಬಂದಿವೆ. 2022ರಲ್ಲಿ ಕೇವಲ 27 ಕರೆಗಳು ಬಂದಿದ್ದವು, ಕಳೆದ ವರ್ಷ ಇದು 122ಕ್ಕೆ ಏರಿಕೆಯಾಯಿತು ಎಂದು ವಿಮಾನಯಾನ ಸಚಿವಾಲಯ ತಿಳಿಸಿದೆ.