ಎಚ್‌.ಕೆ. ಪಾಟೀಲ್‌ ವೆಬ್‌ಸೈಟ್‌ ಹ್ಯಾಕ್‌ 

ಬೆಂಗಳೂರು: ಸಚಿವ ಎಚ್‌.ಕೆ.ಪಾಟೀಲ್‌ ಅವರ ಅಧಿಕೃತ ಮತ್ತು ವೈಯಕ್ತಿಕ ವೆಬ್‌ ಸೈಟ್‌ ಹ್ಯಾಕ್‌ ಮಾಡಲಾಗಿದೆ. ಈ ಸಂಬಂಧ ಸೈಬರ್‌ ಕ್ರೈಮ್‌ ಪೊಲೀಸರಿಗೆ ದೂರು ನೀಡಿದ್ದು, ದೂರು ಸ್ವೀಕರಿಸಿರುವ ಸೈಬರ್‌ ಕ್ರೈಮ್‌ ಪೊಲೀಸ್‌ ಠಾಣೆ ಇನ್ಸ್‌ಪೆಕ್ಟರ್‌ ಎಫ್ಐಆರ್‌ ದಾಖಲಿಸಿಕೊಂಡು ಏ.22ರಂದು ನ್ಯಾಯಾಲಯಕ್ಕೆ ಸಲ್ಲಿಸಿದ್ದಾರೆ.

www.hkpatil.com ಹೆಸರಿನಲ್ಲಿ ನನ್ನ ಅಧಿಕೃತ ವೆಬ್‌ಸೈಟ್‌ ಇದ್ದು 2013ರಲ್ಲಿ ಇದಕ್ಕೆ ಚಾಲನೆ ನೀಡಿ 2014ರ ಅಂತ್ಯದ ವೇಳೆಗೆ ಸಾರ್ವಜನಿಕರಿಗೆ ಲಭ್ಯಗೊಳಿಸಲಾಗಿದೆ. ಈ ವೆಬ್‌ಸೈಟ್‌ನಲ್ಲಿ ನನ್ನ ರಾಜಕೀಯ ಮತ್ತು ಸರ್ಕಾರದಲ್ಲಿ ವಿವಿಧ ಇಲಾಖೆಗಳಲ್ಲಿ ಸಚಿವನಾಗಿ ಸೇವೆ ಸಲ್ಲಿಸಿದ ಸಂದರ್ಭದಲ್ಲಿ ಕೈಗೊಳ್ಳಲಾಗಿರುವ ಮಹತ್ವದ ಸಾಧನೆಗಳ ಮತ್ತಿತರೆ ಅಂಶಗಳ ಮಹತ್ವದ ಮಾಹಿತಿ ಅಳವಡಿಸಲಾಗಿದೆ.ಆದರೆ, ಏ.21ರಂದು ಮಧ್ಯಾಹ್ನ 3 ಗಂಟೆಗೆ ವೆಬ್‌ಸೈಟ್‌ಹ್ಯಾಕ್‌ ಮಾಡಲಾಗಿದೆ ಎಂದು ಸಚಿ ವ ಎಚ್‌.ಕೆ. ಪಾಟೀಲ್‌ ದೂರಿನಲ್ಲಿ ತಿಳಿಸಿದ್ದಾರೆ.