Himachal;ಆರ್ಥಿಕ ದುಃಸ್ಥಿತಿ ಇಲ್ಲ: ಸಿಎಂ ಸುಖ್ವಿಂದರ್ ಸ್ಪಷ್ಟನೆ

ಶಿಮ್ಲಾ: ಹಿಮಾಚಲ ಪ್ರದೇಶದಲ್ಲಿ ಯಾವುದೇ ಆರ್ಥಿಕ ಬಿಕ್ಕಟ್ಟು ಉಂಟಾಗಿಲ್ಲ. ಸರಕಾರ ಕೂಡ ವಿವಿಧ ಸುಧಾರಣ ಕ್ರಮ ಜಾರಿಗೊಳಿಸುತ್ತಿದೆ ಎಂದು ಸಿಎಂ ಸುಖ್ವಿಂದರ್ ಸಿಂಗ್‌ ಸುಖು ಸ್ಪಷ್ಟಪಡಿಸಿದ್ದಾರೆ. ಆರ್ಥಿಕ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಸರಕಾರವು ಶಾಸಕರು, ಸಚಿವರ ವೇತನ ಕಡಿತ ಘೋಷಿಸಿದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ. “2027ರ ವೇಳೆಗೆ ಹಿಮಾಚಲವನ್ನು ಆರ್ಥಿಕವಾಗಿ ಸದೃಢಗೊಳಿಸಿ 2032ರ ವೇಳೆಗೆ ದೇಶದ ಅತ್ಯಂತ ಸಮೃದ್ಧ ರಾಜ್ಯವನ್ನಾಗಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ಇಂಥ ಮಾರ್ಗದಲ್ಲಿ ಸವಾಲು ಮಾಮೂಲಿ. ಇಲ್ಲದ ವದಂತಿ ಹಬ್ಬಿಸಬೇಡಿ’ ಎಂದು ಬಿಜೆಪಿಗೆ ಎಚ್ಚರಿಸಿದ್ದಾರೆ.