Advertisement
ರಾಷ್ಟ್ರೀಯ ಹೆದ್ದಾರಿಗಳ ಟೋಲ್‌ ಪ್ಲಾಝಾ ಬಳಿಯೇ ಪ್ರಯಾಣಿಕರಿಗೆ ಹೊಟೇಲ್‌, ವಿಶ್ರಾಂತಿ ಕೊಠಡಿ, ಶೌಚಾ ಲಯ ಹಾಗೂ ವಾಹನ ಪಾರ್ಕಿಂಗ್‌ ಸೌಲಭ್ಯ ಒದಗಿಸಲು ಈ ಮೂಲಕ ನಿರ್ಧರಿಸಲಾಗಿದೆ. ಈಗಾಗಲೇ ದೇಶದ ಹಲವು ಟೋಲ್‌ ಫ್ಲಾಝಾಗಳಲ್ಲಿ ಕಾರ್ಯಾರಂಭಿಸಿರುವ ಈ ಯೋಜನೆ ರಾಜ್ಯದ ಎಲ್ಲ ಟೋಲ್‌ಗ‌ಳಲ್ಲೂ ಶೀಘ್ರದಲ್ಲಿ ಪೂರ್ಣ ರೀತಿಯಲ್ಲಿ ಜಾರಿಯಾಗಲಿದೆ. ತಿಂಡಿ ತಿನಿಸುಗಳ ಕ್ಯಾಂಟೀನ್‌, ಶೌಚಾಲಯ ಹಾಗೂ ವಾಟರ್‌ ಎಟಿಎಂ ಎಂಬ ಮೂರು ಪ್ರತ್ಯೇಕ ವ್ಯವಸ್ಥೆ ಟೋಲ್‌ ಫ್ಲಾಝಾದ ಬಳಿ ದೊರೆಯಲಿದೆ.
ಹೈವೇ ನೆಸ್ಟ್‌ (ಮಿನಿ)ನಲ್ಲಿ ಚಿಪ್ಸ್‌, ಬಿಸ್ಕತ್ಸ್ , ಕುಕ್ಕೀಸ್‌ ಸೇರಿದಂತೆ ಎಲ್ಲ ವಿಧದ ಪ್ಯಾಕೆಟ್‌ ತಿಂಡಿಗಳು, ನೀರಿನ ಬಾಟಲಿ, ಪಾನೀಯಗಳು ಹಾಗೂ ಚಹಾ-ಕಾಫಿ ವ್ಯವಸ್ಥೆ ಇದೆ. “ವಾಟರ್‌ ಎಟಿಎಂ’ ಕೂಡ ಇಲ್ಲಿ ಇರಲಿದೆ. ಹಣ ಪಾವತಿಸಿ ಅದರ ಮೌಲ್ಯದಷ್ಟು ಶುದ್ಧ ಕುಡಿಯುವ ನೀರನ್ನು ಎಟಿಎಂ ಮಾದರಿಯಲ್ಲಿಯೇ ಪಡೆಯ ಬಹುದು. ಕ್ಯಾಂಟೀನ್‌ ಪಕ್ಕದಲ್ಲಿಯೇ, ಪುರುಷ/ ಮಹಿಳೆಯರಿಗೆ ಪ್ರತ್ಯೇಕ ಶೌಚಾ ಲಯ ವ್ಯವಸ್ಥೆ ಇರಲಿದೆ. ವಿಕಲ ಚೇತನರಿಗೂ ಅನು ಕೂಲ ವಾಗುವಂತೆ ಇದನ್ನು ನಿರ್ಮಿಸಲಾಗುತ್ತದೆ. ಲಭ್ಯ ಭೂಮಿ ಇರುವ ಸ್ಥಳದಲ್ಲಿ ಪಾರ್ಕಿಂಗ್‌ ವ್ಯವಸ್ಥೆ ಕೂಡ ಮಾಡಲಾಗುತ್ತದೆ.
Related Articles
ರಾಜ್ಯದ ರಾಷ್ಟ್ರೀಯ ಹೆದ್ದಾರಿಗಳ ಟೋಲ್‌ ಪ್ಲಾಝಾ ಬಳಿಯೇ ಪ್ರಯಾ ಣಿಕ ರಿಗೆ ಹೊಟೇಲ್‌, ವಿಶ್ರಾಂತಿ ಕೊಠಡಿ, ಶೌಚಾಲಯ ಹಾಗೂ ವಾಹನ ಪಾರ್ಕಿಂಗ್‌ ಸೌಲಭ್ಯ ಒದಗಿಸಬೇಕು ಎಂಬ ಬೇಡಿಕೆ ಕಳೆದ ಕೆಲವು ವರ್ಷ ಗಳಿಂದ ಕೇಳಿಬರುತ್ತಿತ್ತು. ಕೆಲವು ಕಡೆ ಹೆದ್ದಾರಿ ಹಾದು ಹೋಗುವ ಜಾಗದಲ್ಲಿ ಒಂದು ಅಂಗಡಿಯಿಂದ ಇನ್ನೊಂದು ಅಂಗಡಿಗೆ ಹಲವು ಕಿ.ಮೀ. ದೂರ ಕ್ರಮಿಸ ಬೇಕಾದ ಹಿನ್ನೆಲೆಯಲ್ಲಿ ವಾಹನ ಸವಾರರು ಸಮಸ್ಯೆ ಎದುರಿಸುತ್ತಿದ್ದಾರೆ. ಕುಡಿ ಯಲು ನೀರು ಸಿಗಲು ಕೂಡ ಕೆಲವು ಕಿ.ಮೀ. ಸಾಗಬೇಕಾಗುತ್ತದೆ. ಇದಕ್ಕಾಗಿ ಕನಿಷ್ಠ ಟೋಲ್‌ ಫ್ಲಾಝಾ ಇರುವ ಜಾಗದಲ್ಲಿ ಹೆದ್ದಾರಿ ಪ್ರಾಧಿ ಕಾರದ ವತಿ ಯಿಂದಲೇ ಶೌಚಾಲಯ, ಪಾರ್ಕಿಂಗ್‌ ಸಹಿತ ಸರ್ವ ವ್ಯವಸ್ಥೆ ಗಳನ್ನು ಪ್ರಯಾ ಣಿಕರಿಗೆ ನೀಡುವ ನೆಲೆಯಿಂದ “ಹೈವೇ ನೆಸ್ಟ್‌’ ಅನ್ನು ಜಾರಿ ಗೊಳಿಸಲಾಗುತ್ತದೆ.
Advertisement
ಕರಾವಳಿಯ ಟೋಲ್‌ ಗೇಟ್‌ಗಳು– ಬ್ರಹ್ಮರಕೂಟ್ಲು ಟೋಲ್‌ಗೇಟ್‌
– ಸುರತ್ಕಲ್‌ ಟೋಲ್‌ಗೇಟ್‌
– ತಲಪಾಡಿ ಟೋಲ್‌ಗೇಟ್‌
– ಹೆಜಮಾಡಿ ಟೋಲ್‌ಗೇಟ್‌
– ಸಾಸ್ತಾನ ಟೋಲ್‌ಗೇಟ್‌ – ದಿನೇಶ್ ಇರಾ