ಹೀರೋ ಇಂಡಿಯಾ ಗಾಲ್ಫ್ ಪಂದ್ಯಾವಳಿ ರದ್ದು

ಹೊಸದಿಲ್ಲಿ: ಕೋವಿಡ್‌-19 ಹಿನ್ನೆಲೆಯಲ್ಲಿ 2020ರ ಹೀರೋ ಇಂಡಿಯನ್‌ ಓಪನ್‌ ಪುರುಷರ ಗಾಲ್ಫ್ ಪಂದ್ಯಾವಳಿಯನ್ನು ರದ್ದುಗೊಳಿಸಲಾಗಿದೆ.

ಆಟಗಾರರ ಆರೋಗ್ಯ ಹಾಗೂ ಸುರಕ್ಷತೆಯ ದೃಷ್ಟಿಯಲ್ಲಿ ಈ ವರ್ಷದ ಕೂಟವನ್ನು ರದ್ದುಗೊಳಿಸಲು ತೀರ್ಮಾನಿಸಿದ್ದೇವೆ ಎಂದು ಇಂಡಿಯನ್‌ ಗಾಲ್ಫ್ ಯೂನಿಯನ್‌ ಅಧ್ಯಕ್ಷ ದೇವಾಂಗ್‌ ಶಾ ಪ್ರಕಟಿಸಿದರು.

ಈ ಪಂದ್ಯಾವಳಿ ಮಾರ್ಚ್‌ 19ರಿಂದ 22ರ ತನಕ ಗುರ್ಗಾಂವ್‌ನಲ್ಲಿ ನಡೆಯಬೇಕಿತ್ತು. ಆಗ ಕೊರೊನಾ ಹೆಚ್ಚಲಾರಂಭಿಸಿದ ಕಾರಣ ಕೂಟವನ್ನು ಮುಂದೂಡಲಾಯಿತು. ಈಗ ಪಂದ್ಯಾವಳಿಯನ್ನೇ ಕೈಬಿಡಲು ನಿರ್ಧರಿಸಲಾಗಿದೆ.