ಪಾಕ್‌ ಗೆದ್ದಿದ್ದಕ್ಕೆ ಗಾವಸ್ಕರ್‌,ಶಾಸ್ತ್ರಿ ಕಾರಣ!

ಲಾಹೋರ್‌: ಈ ವರ್ಷಾರಂಭದಲ್ಲಿ ಪಾಕಿಸ್ತಾನ ಕ್ರಿಕೆಟ್‌ ತಂಡ ಇಂಗ್ಲೆಂಡ್‌ನ‌ಲ್ಲಿ ಭಾರತ ವಿರುದ್ಧ ಅಚ್ಚರಿಯ ರೀತಿಯಲ್ಲಿ ಏಕದಿನ ಚಾಂಪಿಯನ್ಸ್‌ ಟ್ರೋಫಿಯನ್ನು ಗೆದ್ದಿತ್ತು. ಅದನ್ನು ಫಿಕ್ಸಿಂಗ್‌ ಎಂದೇ ಹಲವರು ಅನುಮಾನಿಸಿದ್ದರು! 

ಪಾಕಿಸ್ತಾನದ ಅಂತಹ ಅದ್ಭುತ ಜಯಕ್ಕೆ ಕಾರಣ ಭಾರತದ ಸುನೀಲ್‌ ಗಾವಸ್ಕರ್‌ ಮತ್ತು ರವಿಶಾಸ್ತ್ರಿಯಂತೆ! ಅಂತಿಮ ಪಂದ್ಯಕ್ಕೂ ಮುನ್ನ ಪತ್ರಿಕೆಗಳಲ್ಲಿ ಈ ಇಬ್ಬರು ಭಾರತ ಎಲ್ಲ ವಿಭಾಗದಲ್ಲಿ ಗೆಲ್ಲುತ್ತದೆ, ಪಾಕ್‌ಗೆ ಅವಕಾಶಗಳೇ ಇಲ್ಲ ಎಂದು ತುಚ್ಛಿಕರಿಸಿ ಬರೆದಿದ್ದರಂತೆ. ಇದರಿಂದ ರೊಚ್ಚಿಗೆದ್ದ ಪಾಕ್‌ ಆಟಗಾರರು ಇದಕ್ಕೆ ಆಟದ ಮೂಲಕ ಉತ್ತರ ಕೊಡಲು ನಿರ್ಧರಿಸಿ ಗೆದ್ದರು ಎಂದು ಅಂದಿನ ಪಾಕ್‌ ವ್ಯವಸ್ಥಾಪಕ ತಲತ್‌ ಅಲಿ ಹೇಳಿದ್ದಾರೆ.