ಹೆನ್ನಾಬೈಲು: ಚಿನ್ನಾಭರಣ, ನಗದು ಕಳವು

ಸಿದ್ದಾಪುರ: ಸಿದ್ದಾಪುರ ಗ್ರಾಮದ ಹೆನ್ನಾಬೈಲು ಫಾರೆಸ್ಟ್‌ ವಸತಿ ಗೃಹ ಬಳಿ ಇರುವ ಕೌಸರ ಭಾನು ಅವರ ಮನೆಗೆ ಕಳ್ಳರು ನುಗ್ಗಿ ಚಿನ್ನಾಭರಣ ಮತ್ತು ನಗದು ಕಳವು ಮಾಡಿದ್ದಾರೆ.
ಹೊಸಂಗಡಿಯಲ್ಲಿನ ಕಾರ್ಯಕ್ರಮಕ್ಕಾಗಿ ಮನೆಯವರು ಬೀಗ ಹಾಕಿ ರಾತ್ರಿ 8.15ರ ಸಂದರ್ಭ ಹೋಗಿದ್ದರು. ರಾತ್ರಿ 11ರ ಸಮಯ ಮರಳಿ ಬಂದಾಗ ಕಳ್ಳತನ ನಡೆದಿದ್ದು ಗೋತ್ತಾಗಿದೆ. ಮುಂಭಾಗದ ಬಾಗಿಲು ಮುರಿದು ಒಳ ನುಗ್ಗಿದ ಕಳ್ಳರು ಗೋದ್ರೆಜ್‌ನಲ್ಲಿಟ್ಟಿದ ಸುಮಾರು 8 ಲಕ್ಷ ರೂ. ಮೌಲ್ಯದ 25 ಪವನ್‌ ತೂಕದ ಚಿನ್ನದ ಆಭರಣ, 15 ಸಾವಿರ ರೂ. ಮೌಲ್ಯದ ಮಗುವಿನ ಬೆಳ್ಳಿಯ ಆಭರಣ ಮತ್ತು ನಗದು 53 ಸಾವಿರ ಕಳವು ಮಾಡಿದ್ದಾರೆ.

ಶಂಕರನಾರಾಯಣ ಠಾಣೆಯ ಉಪನಿರೀಕ್ಷಕ ನಾಸೀರ್‌ ಹುಸೇನ್‌ ಅವರು ಘಟನ ಸ್ಥಳಕ್ಕೆ ಭೇಟಿ ನೀಡಿದರು. ಶ್ವಾನದಳ ಮತ್ತು ಬೆರ
ಳಚ್ಚು ತಜ್ಞರು ಬಂದು ಪರಿಶಿಲಿಸಿದ್ದಾರೆ. ಕಳ್ಳರ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.