ಕಾಲೇಜು ಫೀಸ್ ಕಳೆದುಕೊಂಡ ಯುವತಿಗೆ ನೆರವಾದ ಆಟೋ ಚಾಲಕರು

ಸೇಡಂ : ಆಟೋದಲ್ಲಿ ಹಣ ಕಳೆದುಕೊಂಡ ಯುವತಿಗೆ ಆಟೋ ಚಾಲಕರೆಲ್ಲ ಸೇರಿ ನೆರವಾಗುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.‌

ತಾಲೂಕಿನ ತೇಲ್ಕೂರ ಗ್ರಾಮದ ಯುವತಿ ನಿರ್ಮಲ ಎಂಬ ಪಟ್ಟಣದಲ್ಲಿ ಸಂಚರಿಸುವ ವೇಳೆ ಆಟೋ ಚಾರ್ಜ್ ನೀಡುವಾಗ ತನ್ನ ಪರ್ಸ್ ಮರೆತಿದ್ದಳು. ಈ ವೇಳೆ ಅಪರಿಚಿತರು ಪರ್ಸ್ ಎಗರಿಸಿದ್ದಾರೆ. ಕಾಲೇಜು ಫೀಸ್ ಕಟ್ಟಲು ತಂದಿದ್ದ 10 ಸಾವಿರ ನಗದು ಕಳೆದುಕೊಂಡ ಯುವತಿ ಕಣ್ಣೀರಾಕಿದ್ದಾಳೆ.

ಇದನ್ನು ಕಂಡ ಕೆಲ ಆಟೋ ಚಾಲಕರು ವಿಚಾರಿಸಲಾಗಿ, ಯುವತಿ ವಿಷಯ ತಿಳಿಸಿದ್ದಾರೆ. ಈ ವೇಳೆ ಆಟೋ ಚಾಲಕರು ಹಾಗೂ ಸ್ಥಳೀಯ ಯುವಕರು ಸೇರಿ 9 ಸಾವಿರ ರೂಪಾಯಿ ಜಮಾಯಿಸಿ ಕೊಟ್ಟಿದ್ದಾರೆ.

ಹಣ ಕಳೆದುಕೊಂಡು ಕಂಗಾಲಾಗಿದ್ದ ಬಡ ಯುವತಿಗೆ ನೆರವಾಗುವ ಮೂಲಕ ಯುವಕರು ಮಾನವೀಯತೆ ಮೆರೆದಿದ್ದಾರೆ. ಅವರ ಈ ಕಾರ್ಯ ಜನಮೆಚ್ಚುಗೆಗೆ ಪಾತ್ರವಾಗಿದೆ.
ಜಗು ದೊಡ್ಡಮನಿ, ಶರತ ಬಂಗಿ, ನರೇಶ ಜಾಧವ, ಶಂಕರ ದಾದ, ಕುಶನ್ ನಾಟೀಕಾರ, ಸಿದ್ದು ಒಡೆಯರ್, ನಾಗರಾಜ, ಭೀಮಾಶಂಕರ ಕೊಳ್ಳಿ ನೆರವಾದವರು.

ಇದನ್ನೂ ಓದಿ :ಗಡಿಸೋಮನಾಳದಲ್ಲಿ ಶೇ. 60 ಅರ್ಜಿ ಸ್ಥಳದಲ್ಲೇ ಇತ್ಯರ್ಥ