ಮನೆಗೆ ನುಗ್ಗಿದ ಮಳೆ ನೀರು

ದಾವಣಗೆರೆ: ಸೋಮವಾರ ಸಂಜೆ ಸುರಿದ ಭಾರೀ ಮಳೆಯಿಂದ ದಾವಣಗೆರೆ ತಾಲೂಕಿನ ಹೆಮ್ಮನಬೇತೂರು ಗ್ರಾಮದ ನೂರಾರು ಮನೆಗಳಿಗೆ ನೀರು ನುಗ್ಗಿದ
ಪರಿಣಾಮ ಜನರು ತೀವ್ರ ತೊಂದರೆ ಅನುಭವಿಸುವಂತಾಯಿತು. ಇದ್ದಕ್ಕಿದ್ದಂತೆ ಸುರಿದ ಭಾರೀ ಮಳೆಯಿಂದ ರಸ್ತೆಯಲ್ಲಿನ ನೀರು ಮನೆಗಳಿಗೆ ನುಗ್ಗತೊಡಗಿತು. ಜನರು ಎಷ್ಟೇ ಹರಸಾಹಸಪಟ್ಟರು ಮಳೆಯ ನೀರು ನುಗ್ಗಿದ್ದರಿಂದ ಅಸಹಾಯಕರಾದರು. ಎರಡು ಗಂಟೆಗೂ ಅಧಿಕ ಹೊತ್ತು ಸುರಿದ ಮಳೆಯ ಪರಿಣಾಮವಾಗಿ ಬೈಕ್‌ ಕೊಚ್ಚಿಕೊಂಡು ಹೋದವು. ಮನೆಯಲ್ಲಿದ್ದ ಕೋಳಿ, ಸಾಮಾನು, ಸರಂಜಾಮು ನೀರಿನಲ್ಲಿ ತೇಲಿಹೊದವು. ಕುಂಭದ್ರೋಣ ಮಳೆಯ ಪರಿಣಾಮ ಗ್ರಾಮದ ಪ್ರತಿ ಮನೆಗೆ ನೀರು ನುಗ್ಗಿದ್ದರಿಂದ ಜನರು ರಾತ್ರಿಯಿಡೀ ನೀರು ಹೊರ ಹಾಕಬೇಕಾಯಿತು.

ಹಿಂದೆಂದು ಕಂಡು ಕೇಳರಿಯದ ಮಳೆಗೆ ಜನರು ಅಕ್ಷರಶಃ ತತ್ತರಿಸಿ ಹೋಗುವಂತಾಗಿತ್ತು. ಮಳೆಯಿಂದ ಭಾರೀ ಪ್ರಮಾಣದ ಹಾನಿ, ತೊಂದರೆ ಆಗಿದೆ. ಕೂಡಲೇ
ಕಂದಾಯ ಸಂಬಂಧಿತ ಇಲಾಖೆ ಅಧಿಕಾರಿಗಳು ಭೇಟಿ ನೀಡಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದರು.