ಮಳೆಗೆ ಕುಡಿವ ನೀರಿನ ಬೋರ್‌ವೆಲ್‌ ಜಲಾವೃತ

ಮುದಗಲ್ಲ: ಮಳೆಗೆ ಸಮೀಪದ ತಲೇಖಾನ ಗ್ರಾಮದ ಸಾರ್ವಜನಿಕರ ಕುಡಿಯುವ ನೀರಿನ ಬೋರ್‌ವೆಲ್‌ ಜಲಾವೃತಗೊಂಡಿದೆ.

ಬುಧವಾರ ರಾತ್ರಿ ಸುರಿದ ಮಳೆಗೆ ನೀರು ಹರಿದು ಬಂದು ತಗ್ಗು ಪ್ರದೇಶಕ್ಕೆ ಸೇರಿದ್ದರಿಂದ ನೀರಿನ ಬೋರ್‌ವೆಲ್‌ ಜಲಾವೃತಗೊಂಡಿದ್ದು, ಯೋಜನೆಯ ಮೋಟಾರ್‌ ಚಾಲನೆಯಾಗುತ್ತಿಲ್ಲ. ಇದರಿಂದ ನೀರಿನ ತೊಂದರೆ ಉಂಟಾಗಿದೆ.

ಅಂಗನವಾಡಿ ಕೇಂದ್ರದ ಮುಂಭಾಗದಲ್ಲಿ ಮಳೆನೀರು ಸಂಗ್ರಹವಾಗಿ ಮಕ್ಕಳಿಗೆ ತೊಂದರೆಯಾಗಿದೆ. ಒಡ್ಡರ್‌ ಓಣಿಯಲ್ಲಿ ಮಳೆನೀರು ನಿಲ್ಲುವುದರಿಂದ ಇಲ್ಲಿನ ನಿವಾಸಿಗಳಿಗೆ ತೊಂದರೆಯಾಗಿದೆ ಎಂದು ಜನರು ಆರೋಪಿಸಿದ್ದಾರೆ.