ಯೇನೆಕಲ್ಲು: ಭಾರೀ ಗಾಳಿ ಮಳೆಗೆ ಕೆಲವೆಡೆ ಕೃಷಿಗೆ ಹಾನಿ

ಸುಬ್ರಹ್ಮಣ್ಯ: ಕಡಬ ತಾಲೂಕಿನ ಯೇನೆಕಲ್ಲು ಭಾಗದಲ್ಲಿ ಬುಧವಾರ ಸಂಜೆ ಸುರಿದ ಭಾರೀ ಗಾಳಿ ಮಳೆಗೆ ಅಪಾರ ಕೃಷಿ ಹಾನಿಯಾಗಿರುವ ಘಟನೆ ಸಂಭವಿಸಿದೆ.

ಯೇನೆಕಲ್ಲು ಗ್ರಾಮದ ನೀಲಪ್ಪ ಮಲ್ಲಾರರ ತೋಟದಲ್ಲಿ ಸುಮಾರು 25ಕ್ಕೂ ಅಧಿಕ ಅಡಿಕೆಮರಗಳು ನಾಶವಾಗಿದೆ. ಅಶೋಕ್‌ ನೆಕ್ರಾಜೆ ಅವರ ತೋಟದಲ್ಲಿ 50ಕ್ಕೂ ಅಧಿಕ ಅಡಿಕೆ ಗಿಡಗಳು ಧರಾಶಾಯಿಯಾಗಿದೆ. ಈ ಭಾಗದ ಹಲವು ಕಡೆ ಅಪಾರ ಫಸಲು ಭರಿತ ಕೃಷಿ ಹಾನಿಯಾಗಿದೆ.

ಸುಬ್ರಹ್ಮಣ್ಯ, ಯೇನೆಕಲ್ಲು, ಹರಿಹರ ಪಲ್ಲತ್ತಡ್ಕ, ಕೊಲ್ಲಮೊಗ್ರು, ಕಲ್ಮಕಾರು, ಕಲ್ಮಡ್ಕ, ಬಳ್ಪ, ಪಂಜ, ಕಲ್ಲಾಜೆ ಭಾಗದಲ್ಲಿಯೂ ಗಾಳಿ ಸಹಿತ ಮಳೆಯಾಗಿದೆ.

ಸುಳ್ಯ, ಸುಬ್ರಹ್ಮಣ್ಯ: ಅಲ್ಲಲ್ಲಿ ಮಳೆ
ಸುಳ್ಯ ಹಾಗೂ ಕಡಬ ತಾಲೂಕಿನ ಕುಕ್ಕೆ ಸುಬ್ರಹ್ಮಣ್ಯ ಪರಿಸರ ಸಹಿತ ಸುಳ್ಯ, ಗುತ್ತಿಗಾರು, ಅರಂತೋಡು, ಕಲ್ಲುಗುಂಡಿ, ಜಾಲೂÕರು, ಬೆಳ್ಳಾರೆ, ಪಂಜ, ನಿಂತಿಕಲ್ಲು, ಬಳ್ಪ, ಕಡಬದ ಕೆಲವೆಡೆ ಮಳೆಯಾಗಿದೆ.