Chincholi ತಾಲೂಕಿನಾದ್ಯಂತ ಧಾರಾಕಾರ ಮಳೆ, ಜಲಾಶಯದಲ್ಲಿ ನೀರಿನ ಪ್ರಮಾಣ ಹೆಚ್ಚಳ

ಚಿಂಚೋಳಿ: ತಾಲೂಕಿನಲ್ಲಿ ಗುರುವಾರ ಸಂಜೆ ಸಿಡಿಲು, ಮಿಂಚಿನ ಸಹಿತ ‌ಧಾರಾಕಾರವಾಗಿ ಸುರಿದ ಮಳೆಗೆ ತಾಲೂಕಿನ ನಾಗರಾಳ ಗ್ರಾಮದ ಬಳಿಯಿರುವ ಕೆಳದಂಡೆ‌ ಮುಲ್ಲಾಮಾರಿ ಜಲಾಶಯಕ್ಕೆ 1500 ಕ್ಯುಸೆಕ್ ಒಳ ಹರಿವು ಹೆಚ್ಚಾಗಿದೆ.

ಜಲಾಶಯದ ಗರಿಷ್ಠ ನೀರಿನ ಮಟ್ಟ 491 ಮೀಟರ್ ಇದ್ದು‌, ಕನಿಷ್ಠ ನೀರಿನ ಮಟ್ಟ 490 ಮೀಟರ್ ಇರುವ ಕಾರಣ ಯಾವುದೇ ಕ್ಷಣದಲ್ಲಿ ನೀರು ಮುಲ್ಲಾಮಾರಿ‌ ನದಿಗೆ ಹರಿದು ಬಿಡಲಾಗುವುದು.

ಕೆಳದಂಡೆ ಮುಲ್ಲಾಮಾರಿ‌ ಜಲಾಶಯ ನದಿ ಪಾತ್ರದಲ್ಲಿ ಇರುವ ಚಿಮ್ಮನಚೋಡ, ತಾಜಲಾಪುರ, ಕನಕಪುರ, ಗಾರಂಪಳ್ಳಿ, ಗೌಡನಹಳ್ಳಿ, ನಿಮಾಹೊಸಳ್ಳಿ,ಚಿಂಚೋಳಿ, ಪೊಲಕಪಳ್ಳಿ, ಅಣವಾರ, ಗರಗಪಳ್ಳಿ,ಇರಗಪಳ್ಳಿ, ಕರಚಖೇಡ ಗ್ರಾಮಸ್ಥರು ನದಿಯ ಕಡೆಗೆ ಹೋಗದಂತೆ ಜಲಾಶಯ ಎಇ ವಿನಾಯಕ ಚವ್ಹಾಣ ತಿಳಿಸಿದ್ದಾರೆ.