ಬ್ಯುಸಿನೆಸ್‌ ಕ್ಲಾಸಲ್ಲಿ ಎಮಾನ್‌ ಅಬುಧಾಬಿಗೆ

ಮುಂಬಯಿ: ಬೊಜ್ಜು ಕರಗಿಸುವ ಶಸ್ತ್ರಚಿಕಿತ್ಸೆಗಾಗಿ ಈಜಿಪ್ಟ್ ನಿಂದ ಮುಂಬೈಗೆ ಬಂದಿದ್ದ ಎಮಾನ್‌ ಅಹಮದ್‌ ಸದ್ಯದಲ್ಲೇ ಮುಂದಿನ ಚಿಕಿತ್ಸೆಗಾಗಿ ಅಬುಧಾಬಿಗೆ ಹಾರಲಿದ್ದಾರೆ. ಅದೂ ವಿಮಾನದ ಬ್ಯುಸಿನೆಸ್‌ ದರ್ಜೆಯಲ್ಲಿ. ಹೀಗೆಂದು ಸ್ವತಃ ಸೈಫೀ ಆಸ್ಪತ್ರೆಯ ವೈದ್ಯರೇ ತಿಳಿಸಿದ್ದಾರೆ. ಬರುವಾಗ ಸರಕು ವಿಮಾನದಲ್ಲಿ ಬಂದಿದ್ದ ಆಕೆಯನ್ನು ಕ್ರೇನ್‌ ಮೂಲಕ ಎತ್ತಿ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು. ಆಗ 500 ಕೆಜಿ ತೂಕ ವಿದ್ದ ಎಮಾನ್‌ ಈಗ 176 ಕೇಜಿಗಿಳಿದಿದ್ದಾರೆ. ಹಾಗಾಗಿ, ವಿಮಾನದಲ್ಲೇ ಪ್ರಯಾಣಿಸಲಿದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ. ‘ಎಮಾನ್‌ ತೂಕದ ಕುರಿತು ವೈದ್ಯರು ಸುಳ್ಳು  ಹೇಳುತ್ತಿದ್ದಾರೆ’ ಎಂದು ಸಹೋದರಿ ಆರೋಪಿಸಿದ್ದರು.