ಗೋಳಿಯಂಗಡಿ: ಗಾಳಿ, ಮಳೆಗೆ ಹಾನಿ

ಸಿದ್ಧಾಪುರ: ಗೋಳಿಯಂಗಡಿ ಪರಿಸರದಲ್ಲಿ ಬುಧವಾರ ಸಂಜೆ ಸುರಿದ ಮಳೆ ಹಾಗೂ ಬೀಸಿದ ಭಾರೀ ಗಾಳಿಗೆ ಅಪಾರ ಹಾನಿಯಾಗಿದೆ.

ಬೈಂದೂರು ವಿರಾಜಪೇಟೆ ರಾಜ್ಯ ಹೆದ್ದಾರಿಯ ಗೋಳಿಯಂಗಡಿ ಪೇಟೆಯಲ್ಲಿ ಮರವೊಂದು ಗ್ಯಾರೇಜ್‌ ಮೇಲೆ ಬಿದ್ದಿದೆ. ಪರಿಣಾಮ ನಾಗೇಂದ್ರ ಆಚಾರ್ಯ ಅವರಿಗೆ ಸೇರಿದ ಗ್ಯಾರೇಜ್‌ ಹಾನಿಗೀಡಾಗಿದೆ. ಅರಸಮ್ಮಕಾನು, ತೊನ್ನಾಸೆ, 9ನೇ ಮೈಲುಗಲ್ಲು, ಗಂಟುಬೀಳು, ಬೆಳ್ವೆ, ಅಲಾºಡಿ, ಹೆಂಗವಳ್ಳಿ, ಸೇಡಿಮನೆ, ತೊಂಬತ್ತು ಪರಿಸರದಲ್ಲಿ ಅನೇಕ ಮನೆಗಳ ಶೀಟ್‌ಗಳು ಗಾಳಿಗೆ ಹಾರಿ ಹೋಗಿವೆ.  ಜಯಶ್ರೀ ಶೆಟ್ಟಿ, ಜನತಾ ಕಾಲನಿಯ ಸೀತುಬಾಯಿ, ರವಿ ನಾಯ್ಕ, ನಾರಾಯಣ ನಾಯ್ಕ, ಸುಶೀಲಾ ಬಾಯಿ ಅವರ ಮನೆಯ ಮೇಲ್ಛಾವಣಿ ಹಾರಿ ಹೋಗಿದ್ದು ಗುಲಾಬಿ ನಾಯ್ಕ ಅವರ ಹೊಚ್ಚ ಹೊಸ ಮನೆಯ ಛಾವಣಿಗೂ ಹಾನಿಯಾಗಿದೆ.  ಅಲಾºರ್ಡಿ ಗರಡಿ ಬಳಿಯ ಸುಧಾಕರ ಪೂಜಾರಿ ಮನೆ ಛಾವಣಿ ಗಾಳಿಗೆ ಹಾನಿಯಾಗಿದೆ. ಅನೇಕರ ಕೃಷಿಗೆ ಹಾನಿಯಾಗಿದೆ. 

ಗೋಳಿಯಂಗಡಿ ಸೇರಿದಂತೆ ವಿವಿಧೆಡೆ ವಿದ್ಯುತ್‌ ಕಂಬಗಳು ಧರೆಗುರುಳಿವೆ. ಗೋಳಿಯಂಗಡಿಯಿಂದ ಅಲಾºಡಿವರೆಗೆ ರಾಜ್ಯ ಹೆದ್ದಾರಿಗೆ ಅಲ್ಲಲ್ಲಿ ಮರ ಬಿದ್ದ ಕಾರಣ ಸಂಚಾರಕ್ಕೆ ತಡೆಯುಂಟಾಯಿತು. ಸ್ಥಳೀಯರು ಮರ ತೆರವು ಕಾರ್ಯಾಚರಣೆ ನಡೆಸಿದರು. 1 ಗಂಟೆಗೂ ಅಧಿಕ ಕಾಲ ವಾಹನ ಸಂಚಾರದಲ್ಲಿ ವ್ಯತ್ಯಯವಾಗಿತ್ತು.