ಬಾಲಕಿಯ ರೇಪ್‌: ತನಿಖಾ ವರದಿ ಸಲ್ಲಿಸಲು ಹೈಕೋರ್ಟ್‌ ಆದೇಶ

ಕೋಲ್ಕತ : ಕಳೆದ ನ.30ರಂದು ನಗರದ ದಕ್ಷಿಣ ಭಾಗದಲ್ಲಿನ ಜಿ ಡಿ ಬಿರ್ಲಾ ವಿದ್ಯಾ ಕೇಂದ್ರದ ಆವರಣದೊಳಗೆ ನಾಲ್ಕು ವರ್ಷ ಪ್ರಾಯದ ಬಾಲಕಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಘಟನೆಗೆ ಸಂಬಂಧಿಸಿ ತನಿಖೆಯಲ್ಲಿ ಮಾಡಲಾಗಿರುವ ಪ್ರಗತಿಯ ವರದಿಯನ್ನು ಜನವರಿ 16ರಂದು ಸಲ್ಲಿಸುವಂತೆ ಪೊಲೀಸರಿಗೆ ಕಲ್ಕತ್ತಾ ಹೈಕೋರ್ಟ್‌ ಆದೇಶಿದೆ.

ಈ ಲೈಂಗಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿ ಶಾಲೆಯ ಇಬ್ಬರು ದೈಹಿಕ ಶಿಕ್ಷಣ ಶಿಕ್ಷಕರನ್ನು ಪೊಲೀಸರು ಬಂಧಿಸಿದ್ದರು. 

ಘಟನೆ ಸಂಬಂಧ ಸಿಬಿಐ ತನಿಖೆಯನ್ನು ಬಾಲಕಿಯ ಹೆತ್ತವರು ಕೋರಿದ್ದರು. ಆದರೆ ಇದರಿಂದ ನಗರ ಪೊಲೀಸರ ತನಿಖೆಗೆ ಯಾವುದೇ ಅಡ್ಡಿ ಇಲ್ಲ ಎಂದು ಜಸ್ಟಿಸ್‌ ದೇಬಾಂಗುÒ ಬಾಸಕ್‌ ಹೇಳಿದರು. 

ಘಟನೆಯ ವಿಚಾರಣೆಯನ್ನು ಕಲ್ಕತ್ತಾ ಹೈಕೋರ್ಟ್‌ ಜ.16ರಂದು ಮತ್ತೆ ಕೈಗತ್ತಿಕೊಳ್ಳಲಿದೆ.