ಪ್ರತಿಪಕ್ಷದವರನ್ನು ದೂಷಿಸಬೇಡಿ ಎಂದು ಯಾರಾದರೂ ಪ್ರಧಾನಿಗೆ ಹೇಳಿದ್ದಾರಾ? ಕಪಿಲ್‌ ಸಿಬಲ್‌

ಹೊಸದಿಲ್ಲಿ: ಪ್ರಧಾನಿಯನ್ನು ದೂಷಿಸಬೇಡಿ, ಇದರಿಂದ ಇನ್ನಷ್ಟು ಹಾನಿಯಾಗುತ್ತದೆ ಎಂಬರ್ಥದ ಕಾಂಗ್ರೆಸ್‌ ನಾಯಕರ ಮಾತಿಗೆ ಕಾಂಗ್ರೆಸ್‌ನ ಮತ್ತೋರ್ವ ನಾಯಕ ಕಪಿಲ್‌ ಸಿಬಲ್‌ ಕುಟುಕಿದ್ದಾರೆ.

ಪ್ರತಿಪಕ್ಷದವರನ್ನು ದೂಷಿಸಬೇಡಿ ಎಂದು ಯಾರಾದರೂ ಬಿಜೆಪಿ ನಾಯಕರು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಹೇಳಿದ್ದಾರಾ ಎಂದು ಪ್ರಶ್ನಿಸಿದ್ದಾರೆ. ಈ ಬಗ್ಗೆ ಅವರು ಟ್ವೀಟ್‌ ಮಾಡಿದ್ದಾರೆ. ಅದಕ್ಕೂ ಮೊದಲೇ ಕಾಂಗ್ರೆಸ್‌ ನಾಯಕರಾದ ಜೈರಾಂ ರಮೇಶ್‌ ಈ ಕುರಿತು ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತ, ಪ್ರಧಾನಿಯನ್ನು ಎಲ್ಲದಕ್ಕೂ ಟೀಕಿಸುವುದು ಸರಿಯಿರಲ್ಲ ಎಂದು ಹೇಳಿದ್ದರು. ಇದಕ್ಕೆ ಅಭಿಷೇಕ್‌ ಮನು ಸಿಂಘ್ವಿ ಮತ್ತು ಶಶಿ ತರೂರ್‌ ದನಿಗೂಡಿಸಿದ್ದರು.