Haryana Polls; ಕೈ ಕಾರ್ಯಕರ್ತರು ಮತ್ತು ಪಕ್ಷೇತರನ ಬೆಂಬಲಿಗರ ಮಾರಾಮಾರಿ

ನುಹ್ : ಹರಿಯಾಣದ ಪುನ್ಹಾನಾ ವಿಧಾನಸಭಾ ಕ್ಷೇತ್ರದ ಖ್ವಾಜಾ ಕಲಾನ್ ಮತ್ತು ಗುಲಾಲ್ತಾ ಗ್ರಾಮಗಳಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಮೊಹಮ್ಮದ್ ಇಲ್ಯಾಸ್ ಮತ್ತು ಪಕ್ಷೇತರ ಅಭ್ಯರ್ಥಿ ರಯೀಸ್ ಖಾನ್ ಅವರ ಬೆಂಬಲಿಗರ ನಡುವೆ ಮತದಾನದ ದಿನ ಶನಿವಾರ(ಅ5) ಮಾರಾಮಾರಿ ನಡೆದಿದೆ. ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಸ್ಥಿತಿ ನಿಯಂತ್ರಣಕ್ಕೆ ತಂದಿದ್ದಾರೆ.

2023 ಜುಲೈ 31 ರಂದು ವಿಎಚ್‌ಪಿ ನಡೆಸಿದ ‘ಬ್ರಜಮಂಡಲ ಯಾತ್ರೆ’ಯ ಸಂದರ್ಭದಲ್ಲಿ ನುಹ್‌ನಲ್ಲಿ ಗಲಭೆಗಳು ಭುಗಿಲೆದ್ದಿದ್ದವು, ಆರು ಮಂದಿ ಸಾವನ್ನಪ್ಪಿದರು. ಗಲಭೆಗಳು ಪುನರಾವರ್ತನೆಯಾಗಿದ್ದು, ಅಭ್ಯರ್ಥಿಗಳು ಒಬ್ಬರನ್ನೊಬ್ಬರು ದೂಷಿಸಿಕೊಂಡಿದ್ದಾರೆ.

90 ವಿಧಾನಸಭಾ ಕ್ಷೇತ್ರಗಳಿಗೆ ಒಂದೇ ಹಂತದಲ್ಲಿ ಮತದಾನ ಶನಿವಾರ ನಡೆದಿದೆ. ಸಂಜೆ 5 ಗಂಟೆಯವರೆಗೆ ಶೇ.61ರಷ್ಟು ಮತದಾನವಾಗಿದೆ. ಅಕ್ಟೋಬರ್ 8 ರಂದು ಫಲಿತಾಂಶ ಪ್ರಕಟವಾಗಲಿದೆ.