ಬಾಲ್ಯದ ಕನಸು ನನಸು : ಕುದುರೆಯೇರಿ ವರನ ಮನೆಗೆ ಮೆರವಣಿಗೆ ಬಂದ ವಧು

ಸಾಮಾನ್ಯವಾಗಿ ಉತ್ತರ ಭಾರತದ ಮದುವೆಗಳಲ್ಲಿ ವರ ಕುದುರೆ ಮೇಲೆ ವಧುವಿನ ಮನೆಗೆ ಮೆರವಣಿಗೆ ಮೂಲಕ ಬರುತ್ತಾನೆ. ಆದರೆ ಇತ್ತೀಚೆಗೆ ಈ ಸಂಪ್ರದಾಯ ಮುರಿದ ವಧು ಒಬ್ಬಳು ತಾನೇ ವರನ ಮನೆಗೆ ಕುದುರೆಯೇರಿ ಮೆರವಣಿಗೆಯಲ್ಲಿ ತೆರಳಿ ಸುದ್ದಿಯಾಗಿದ್ದಾಳೆ.

ಹರಿಯಾಣ ಅಂಬಾಲಾದಲ್ಲಿನ ವಕೀಲೆ ಪ್ರಿಯಾ ಈ ರೀತಿ ಸುದ್ದಿಯಾದವರು. ಮನೆಯಲ್ಲಿ ಮಗನಂತೆಯೇ ಬೆಳೆದಿರುವ ಅವರಿಗೆ ಮದುವೆಯಲ್ಲಿ ಕುದುರೆಯೇರಿ ಸಾಗಬೇಕು ಎನ್ನುವುದು ಬಾಲ್ಯದ ಕನಸಾಗಿತ್ತಂತೆ. ಅದಕ್ಕೆ ಅವರ ತಂದೆಯೂ ಬೆಂಬಲಿಸಿದ್ದಾರೆ.

ಇದನ್ನೂ ಓದಿ:ಜಮ್ಮು ಮತ್ತು ಕಾಶ್ಮೀರ: 610 ಕಾಶ್ಮೀರಿ ಪಂಡಿತರ ಆಸ್ತಿ ಮರುಸ್ಥಾಪನೆ

ಹೀಗಾಗಿ ಮದುವೆಯ ದಿನದಂದೇ ವಿಶೇಷ ಮೆರವಣಿಗೆ ಮಾಡಿ, ಪ್ರಿಯಾರನ್ನು ಮೆರವಣಿಗೆಯಲ್ಲಿ ಕರೆದೊಯ್ಯಲಾಗಿದೆ. ಈ ಸುದ್ದಿ ಹಾಗೂ ಅದರ ವಿಡಿಯೋ ಎಲ್ಲೆಡೆ ಹರಿದಾಡಿದ್ದು, ಭಾರೀ ವೈರಲ್‌ ಆಗಿದೆ.