ಇಂಗ್ಲಿಷ್‌ನ ಪ್ರಸಿದ್ಧ ಪುಸ್ತಕವಾಗಿರುವ ಹ್ಯಾರಿ ಪಾಟರ್‌ ಪುಸ್ತಕಕ್ಕೆ 3.5 ಕೋಟಿ ರೂ!

ವಾಷಿಂಗ್ಟನ್‌: ಇಂಗ್ಲಿಷ್‌ನ ಪ್ರಸಿದ್ಧ ಪುಸ್ತಕವಾಗಿರುವ “ಹ್ಯಾರಿ ಪಾಟರ್‌’ ಪುಸ್ತಕದ ಮೊದಲ ಮುದ್ರಣವನ್ನು ಇತ್ತೀಚೆಗೆ ಹರಾಜು ಕರೆಯಲಾಗಿತ್ತು. ಬರೋಬ್ಬರಿ 471000 ಡಾಲರ್‌ ಅಂದರೆ 3.56 ಕೋಟಿ ರೂಪಾಯಿಗೆ ಈ ಪುಸ್ತಕ ಹರಾಜಾಗಿದೆ.

ಜೆ.ಕೆ.ರೋಲಿಂಗ್‌ ಅವರು ಬರೆದಿರುವ ಈ ಪುಸ್ತಕದ ಮೊದಲನೇ ಮುದ್ರಣದಲ್ಲಿ ಕೇವಲ 500 ಪುಸ್ತಕಗಳನ್ನು ಮುದ್ರಿಸಲಾಗಿತ್ತು. ಅದರಲ್ಲಿ ಒಂದು ಅಮೆರಿಕದ ಕಲೆಕ್ಟರ್‌ ಒಬ್ಬರ ಬಳಿಯಿದ್ದು, ಅದನ್ನು ದಲ್ಲಾಸ್‌ ಮೂಲದ ಹರಾಜು ಸಂಸ್ಥೆಯೊಂದು ಹರಾಜು ಮಾಡಿದೆ.

ಇದನ್ನೂ ಓದಿ:ನಾಳೆಯಿಂದ ಚಳಿಗಾಲದ ಅಧಿವೇಶನ:ಬಿಲ್ ಬಗ್ಗೆ ಸ್ಪೀಕರ್ ಕಾಗೇರಿ ಹೇಳಿದ್ದೇನು?

70,000 ಡಾಲರ್‌(53 ಲಕ್ಷ ರೂ)ನಿಂದ ಆರಂಭವಾದ ಹರಾಜು ಮೌಲ್ಯ ಕೊನೆಯಲ್ಲಿ 4,71,000 ಡಾಲರ್‌ಗೆ ತಲುಪಿದೆ. ಈ ಹಿಂದೆ ಹ್ಯಾರಿ ಪಾಟರ್‌ನ ಮೊದಲನೇ ಮುದ್ರಣ ಪುಸ್ತಕಗಳು 1,10,000 ಡಾಲರ್‌(8 ಲಕ್ಷ ರೂ.)ನಿಂದ 1,38,000 ಡಾಲರ್‌(10.44 ಲಕ್ಷ ರೂ)ಗೆ ಹರಾಜಾಗಿದ್ದವು ಎಂದು ತಿಳಿಸಲಾಗಿದೆ.