ರಾಜಸ್ಥಾನ: ಭಾರತದ ಸ್ಟಾರ್‌ ಕ್ರಿಕೆಟರ್‌ ಹಾರ್ದಿಕ್‌ ಪಾಂಡ್ಯಾ ಮತ್ತು ಅವರ ಪತ್ನಿ ನತಾಶಾ ಸ್ಟಾನ್ಕೋವಿಕ್‌ ಅವರು ಫೆ.14 ರಂದು ರಾಜಸ್ಥಾನದ ಉದಯ್‌ಪುರದಲ್ಲಿ ಕ್ರಿಷ್ಚಿಯನ್‌ ಸಂಪ್ರದಾಯದಂತೆ ಅದ್ದೂರಿಯಾಗಿ ಪುನರ್‌ ವಿವಾಹವಾಗಿದ್ದಾರೆ.
ಇದೀಗ ಹಾರ್ದಿಕ್‌-ನತಾಶಾ ಇಬ್ಬರೂ ವಿವಾಹ ವೇದಿಕೆಯ ಕಡೆಗೆ ಬರುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಗೌನ್‌ ರೀತಿಯ ಬಿಳಿ ಉಡುಗೆಯನ್ನುಟ್ಟ ನತಾಶಾ ಮತ್ತು ಕಪ್ಪು ಸೂಟ್‌ನಲ್ಲಿ ಕಾಣಿಸಿಕೊಂಡ ಹಾರ್ದಿಕ್‌ ಪಾಂಡ್ಯಾ ವಿವಾಹ ವೇದಿಕೆಯ ಕಡೆ ಡ್ಯಾನ್ಸ್‌ ಮಾಡಿಕೊಂಡು ಬರುವ ವಿಡಿಯೋವೊಂದು ಭರ್ಜರಿ ಸದ್ದು ಮಾಡುತ್ತಿದೆ.
ತನ್ನ ಪತ್ನಿಯ ಕೈ ಹಿಡಿದು ವಿವಾಹ ಮಂಟಪದ ಕಡೆ ಹೆಜ್ಜೆ ಹಾಕುವ ಹಾರ್ದಿಕ್‌ ಡಿ.ಜೆ ಬಳಿ ತನಗೆ ಡ್ಯಾನ್ಸ್‌ ಮಾಡಲು ಬೇಕಾದ ಹಾಡು ಪ್ಲೇ ಮಾಡಲು ಸೂಚಿಸುತ್ತಾರೆ. ಆ ಬಳಿಕ ಇಬ್ಬರೂ ಸ್ಟೆಪ್‌ ಹಾಕುತ್ತಲೇ ವೇದಿಕೆ ಏರಿದ್ದಾರೆ.
ಅಂದ ಹಾಗೇ, ಹಾರ್ದಿಕ್‌ ಮತ್ತು ನತಾಶಾ ಕಳೆದ 2020ರಲ್ಲೇ ರಿಜಿಸ್ಟರ್‌ ರೀತಿಯಲ್ಲಿ ವಿವಾಹವಾಗಿದ್ರು. ಆದ್ರೆ ಪ್ರೇಮಿಗಳ ದಿನದಂದು ತಮ್ಮ ಕುಟುಂಬಸ್ಥರ ಮತ್ತು ಗೆಳೆಯರ ಸಮ್ಮುಖದಲ್ಲಿ ಮತ್ತೊಮ್ಮೆ ವಿವಾಹವಾಗಿದ್ಧಾರೆ. ಇವರ ವಿವಾಹ ಸಮಾರಂಭದಲ್ಲಿ ಕೊಹ್ಲಿ-ಅನುಷ್ಕಾ, ರಾಹುಲ್‌-ಅಥಿಯಾ ಸೇರಿ ಹಲವು ಗಣ್ಯರೂ ಭಾಗಿಯಾಗಿದ್ರು. ಅಲ್ಲದೆ ಇವರಿಬ್ಬರ ಪುನರ್‌ ವಿವಾಹಕ್ಕೆ ನೆಟ್ಟಿಗರೂ ಶುಭ ಹಾರೈಸಿದ್ದಾರೆ.
