MTNL ಕಾರ್ಯಾಚರಣೆ ಬಿಎಸ್ಸೆನ್ನೆಲ್‌ಗೆ ಹಸ್ತಾಂತರ?

ಹೊಸದಿಲ್ಲಿ: ವಿಲೀನ ಮಾರ್ಗವನ್ನು ಅನುಸರಿಸುವ ಬದಲು, ಮಹಾನಗರ ಟೆಲಿಫೋನ್‌ ನಿಗಮ್‌ ಲಿಮಿ ಟೆಡ್‌(ಎಂಟಿಎನ್‌ಎಲ್‌)ನ ಕಾರ್ಯಾಚರಣೆಯನ್ನು ಒಪ್ಪಂದದ ಮೂಲಕ ಬಿಎಸ್‌ಎನ್‌ಎಲ್‌ಗೆ ಹಸ್ತಾಂತರಿ ಸಲು ಸರಕಾರ ಚಿಂತನೆ ನಡೆಸುತ್ತಿದೆ ಎಂದು ಮೂಲ ಗಳು ಹೇಳಿವೆ. ಒಂದು ತಿಂಗಳ ಅವಧಿಯಲ್ಲಿ ಈ ಬಗ್ಗೆ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಎಂಟಿಎನ್‌ಎಲ್‌ ಸಾಲದ ಸುಳಿಗೆ ಸಿಲುಕಿಕೊಂಡಿದೆ. ಹೀಗಾಗಿ ಇದನ್ನು ಬಿಎಸ್‌ಎನ್‌ಎಲ್‌ ಜತೆ ವಿಲೀನ ಮಾಡುವುದು ಅನುಕೂಲಕರವಲ್ಲ. ಹೀಗಾಗಿ ಒಪ್ಪಂದ ದ ಮೂಲಕ ಕಾರ್ಯಾಚರಣೆಯನ್ನು ಹಸ್ತಾಂತರಿಸಲು ನಿರ್ಧರಿಸಲಾಗಿದೆ ಎನ್ನಲಾಗಿದೆ. ಎಂಟಿಎನ್‌ಎಲ್‌ನ ಬಳಕೆದಾರರ ಸಂಖ್ಯೆ ದಿನೇದಿನೆ ಕ್ಷೀಣಿಸುತ್ತಿದೆ. ಹೀಗಾಗಿ ಭಾರ್ತಿ ಏರ್ಟೆಲ್‌ ಮತ್ತು ಜಿಯೋ ಜತೆ ಸ್ಪರ್ಧಿಸಲು ಎಂಟಿಎನ್‌ಎಲ್‌ಗೆ ಸಾಧ್ಯವಾಗುತ್ತಿಲ್ಲ.