ಶ್ರೀರಂಗಪಟ್ಟಣ: ದಾಖಲೆ ಬೆಲೆಗೆ ಮಾರಾಟವಾದ ಹಳ್ಳಿಕಾರ್ ಎತ್ತು

ಶ್ರೀರಂಗಪಟ್ಟಣ: ತಾಲೂಕಿನ ಪಾಲಹಳ್ಳಿ ಗ್ರಾಮದ ವಿನು ಎಂಬುವರಿಗೆ ಸೇರಿದ ಹಳ್ಳಿಕಾರ್ ತಳಿಯ ಎತ್ತೊಂದು 7.75 ಲಕ್ಷ ರೂ ನ ದಾಖಲೆ ಬೆಲೆಗೆ ಮಾರಾಟವಾಗಿದೆ.

ಚಿಕ್ಕಮಗಳೂರು ಜಿಲ್ಲೆಯ ತೇಗೂರು ಗ್ರಾಮದ ಮಂಜು ಎಂಬುವರು ವಿನು ಎಂಬುವರ ಈ ಒಂಟಿ ಹಳ್ಳಿಕಾರ್ ತಳಿಯ ಎತ್ತನ್ನ 7.75 ಲಕ್ಷ ರೂಗಳಿಗೆ ಖರೀದಿಸಿದ್ದಾರೆ.ಎತ್ತಿನ ಗಾಡಿಯ ರೇಸ್ ನಲ್ಲಿ ಈ ಎತ್ತು ಸಾಕಷ್ಟು ಹೆಸರು ಗಳಿಸಿದ್ದು ಅದೇ ಕಾರಣದಿಂದ ಕಾರಣದಿಂದ ಆಕರ್ಷಕ ಬಿಳಿ ಎತ್ತನ್ನ ಅಧಿಕ ಬೆಲೆ ಕೊಟ್ಟು ಖರೀದಿಸಿದ್ದಾರೆ.

ಇಂದು ಗ್ರಾಮಕ್ಕೆ ಆಗಮಿಸಿ ಎತ್ತಿನ ಮಾಲೀಕರಿಗೆ ಸ್ಥಳದಲ್ಲೆ ಹಣ ನೀಡಿ ಎತ್ತನ್ನ ಖರೀದಿಸಿ ತಮ್ಮೂರಿಗೆ ಕೊಂಡೊಯ್ದಿದ್ದಾರೆ.ದಾಖಲೆ ಬೆಲೆಗೆ ಮಾರಾಟವಾದ ಈ ಎತ್ತನ್ನ ಮಾಲೀಕರು‌ ಪೂಜೆ ಸಲ್ಲಿಸಿ ಹಾರ ಹಾಕಿ ಗ್ರಾಮದಲ್ಲಿ ಭರ್ಜರಿ ಮೆರವಣಿಗೆ ಮಾಡಿಸಿ ಕಳುಹಿಸಿ ಕೊಟ್ಟಿದ್ದಾರೆ.