ರಸ್ತೆಯಲ್ಲಿಯೇ ಹೊಂಡ; ಅಪಾಯದ ಭೀತಿ

ಹಾಲಾಡಿ: ಅಮಾಸೆಬೈಲುನಿಂದ ಹಾಲಾಡಿಗೆ ಸಂಚರಿಸುವ ಮಾರ್ಗದ ರಟ್ಟಾಡಿಯಲ್ಲಿ ರಸ್ತೆಯಲ್ಲಿಯೇ ಹೊಂಡವೊಂದು ಸೃಷ್ಟಿಯಾಗಿದ್ದು, ಅಪಾಯವನ್ನು ಆಹ್ವಾನಿಸುವಂತಿದೆ.

ಹಾಲಾಡಿಯಿಂದ ಅಮಾಸೆಬೈಲು, ಜಡ್ಡಿನಗದ್ದೆ, ಮತ್ತಿತರ ಊರುಗಳಿಗೆ ಸಂಚರಿಸುವ ಪ್ರಮುಖ ರಸ್ತೆ ಇದಾಗಿದ್ದು, ಈ ಮಾರ್ಗದಲ್ಲಿ ಪ್ರತಿ ನಿತ್ಯ ನೂರಾರು ವಾಹನಗಳು ಸಂಚರಿಸುತ್ತವೆ.

ರಟ್ಟಾಡಿಯ ರಸ್ತೆಯಲ್ಲಿಯೇ ಈ ಹೊಂಡ ಸೃಷ್ಟಿಯಾಗಿದ್ದು, ಇದು ಒಳಗೆ ಕುಸಿದು ಹೋಗಿರುವುದರಿಂದ ರಾತ್ರಿ ವೇಳೆ ಬರುವ ವಾಹನ ಸವಾರರಿಗೆ ಕಾಣಿಸದ ರೀತಿಯಲ್ಲಿದೆ.

ಕೂಡಲೇ ಸಂಬಂಧಪಟ್ಟ ಅಧಿಕಾರಿಗಳು ಈ ಹೊಂಡವನ್ನು ಸರಿಪಡಿಸಿ, ವಾಹನ ಸವಾರರಿಗೆ ಅನುಕೂಲ ಮಾಡಿಕೊಡಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.